Polısııa jasóspirimniń 13 jasta ekenin atap ótti. Qazaqstandyq 31 qańtardaǵy14-shi týǵan kúnine jetpeı jazym bolypty.
«Júrgizilgen tergeý is-sharalary barysynda osy jyldyń 3 qańtarynda Qazaqstan Respýblıkasy Nur-Sultan qalasynyń 35 jastaǵy turǵyny óziniń 13 jastaǵy kámeletke tolmaǵan ulymen nemere aǵasyna Shý oblysynyń Toqmaq qalasyna qonaqqa kelgeni anyqtaldy. 10 qańtarda nemere aǵasy otbasymen jáne jıenimen Qarakól qalasyna kelgen, onda olar qonaqúılerdiń birinde turyp, "Qarakól" taý shańǵysy bazasyna demalýǵa ketken», dedi baspasóz qyzmetindegiler.
Quqyq qorǵaý organdarynyń málimetinshe, jasóspirim burylysta 2700 metr bıiktegi shyrshaǵa baryp qulaǵan.
«12 qańtarda saǵat 13.00-de taý shańǵysy bazasynda demalý kezinde kámeletke tolmaǵan bala 3040 metr bıikke kóterildi, onda ol batys trassamen tómen tústi. Shamamen 2700 metr bıikte batystan shyǵysqa qaraı burylǵan kezde ol jyldamdyqty basqara almaı, shyrshaǵa baryp soǵylǵan. Nátıjesinde alǵan jaraqatynan oqıǵa ornynda kóz jumǵan.
Marqumdy syrttaı tekserý barysynda sot-medısınalyq sarapshykámeletke tolmaǵan balanyń aıaǵy men moıynynyń synǵanyn anyqtady. Jasóspirimniń óliminiń barlyq mán-jaıyn tolyq anyqtaý úshin sot-medısınalyq saraptama taǵaıyndaldy jáne tergeý is-sharalary júrgizilip jatyr», dedi Ystyqkól oblysynyń Ishki ister basqarmasynyń ókilderi.
