– Osyǵan deıin «Qazaqstan temir joly» AQ Almaty-3 vokzalyn salý týraly usynys jasaǵan. Júk jáne jolaýshylar poıyzdarynyń aǵynyn jeńildetý úshin stansa kerek. Saın kóshesi baryp tirelip jatqan Boraldaı aýdanynda magıstarldy jol salýdy jáne Almaty-3 vokzalyn qaladan batys baǵytqa qaraı salýdy usynamyz. Ol jerde stansa kerek, endi vokzal turǵyzý kerek. Osylaısha, búkil batys óńir qamtylatyn bolady. Alataý jáne Naýryzbaı aýdanynyń turǵyndary Almaty-2 vokzalyna kelmeı-aq qalaǵa kire alatyn bolady. Osylaı biz negizgi vokzaldy qıyndyqtan qutqaramyz jáne Baým toǵaıy arqyly ótip, ekologııalyq zańnamany buzýy múmkin ekinshi temirjol tarmaǵyn salýdan qutylamyz, – deıdi Almatygıprogor-1 JShS bas dırektorynyń orynbasary Altaı Satybaldıev.
Onyń aıtýynsha, Almaty temirjol torabynyń jalpy uzyndyǵy 69 shaqyrym. Almaty-1 men Almaty-2-ni qosa eseptegende torap quramyna 9 stansa kiredi. Qazir qala aglomerasııasyn damytý boıynsha birqatar jobalardy júzege asyrý josparlanǵan. Onyń ishinde Almaty-1 – Almaty-2 jelisinde ekinshi jol qurylysyn; Almaty-2 stansasynda qala mańyndaǵy temirjol tasymaly úshin vokzaly qurylysyn; Almaty-1 – Talǵar baǵytynda júk jáne jolaýshylar temirjol torabynyń qurylysyn; Almaty – Uzynaǵash tramvaı jelisi qurylysyn salý josparlanyp otyr.
