Týrnır barysynda ıtalııalyq Salvatore Karýzo (álemniń 76 raketkasy) men Matteo Berrettını (10 raketka) jáne fransııalyq Trıstan Lamazın (271 raketka) men Jeremı Shardıdi (72 raketka) jolynan yǵystyrǵan jerlesimiz fınalda Aýstralııanyń ókili Aleks de Mınaýrmen kúsh synasty. Ol da osal oıynshy emes, qazirgi kezde álemdik reıtıngte 23 orynda tur. Desek te, Antalııaǵa jaqsy daıarlyqpen kelgen Býblıkten qazaqstandyq jankúıerler jeńis kútti. Osyǵan deıin ol ATR dodalarynda eki ret fınalǵa shyqqanymen, bas júldege qol jetkize almaǵan edi. Biraq syn saǵatta Aleksandrdyń eski jaraqaty syr berdi. Sodan kortqa shyqqanyna jeti mınýt bolmaı jatyp, jerlesimiz jarysty aıaqtaýǵa májbúr boldy.
Túrkııadaǵy tabysynyń arqasynda Aleksandr Býblık 20 myń eýro tabys taýyp, álemdik reıtıngte 49-dan 45-orynǵa kóterildi.
