Mılannyń ataqty «La Skala» teatryna bas dırıjer bolyp Rıkkardo Shaıı taǵaıyndalady. Bul týraly ITAR-TASS habarlady.
Jergilikti buqaralyq aqparat quraldary Rıkkardo Shaııdyń bul qyzmetke keletini jóninde burynnan aıtyp júrgen. Al endi bul jańalyqty Mılan ákimi de rastady. Ol Rıkkardo Shaııdyń bas dırıjer qyzmetine 2015 jylǵy qańtardan bastap kirisetinin málimdedi.
2005 jyldan beri Leıpsıg qalasynda Gevandhaýs orkestrin basqarǵan Rıkkardo Shaıı «La Skalanyń» bas dırıjeri Danıel Barenboımdy almastyrady. Sondaı-aq 2014 jyldyń kúzinde teatrdyń kórkemdik dırektory da aýysady. Qazir ol qyzmetti atqaryp júrgen Stefan Lıssnerdiń kelisim-sharty bitisimen onyń ornyna Zalsbýrg festıvaliniń kórkemdik jetekshisi Aleksandr Pereıra keletin boldy.
Aıdar О́risbaev.
Derekkóz: Itar-tass.com
