Aımaqtar • 15 Qańtar, 2021

Almaty oblysynda jalpy óńirlik ónimdi 5 trln. teńgege jetkizý kózdeledi

7 ret kórsetildi

Almaty oblysynda ekonomıkanyń turaqty damýyn jyl saıyn orta eseppen 4%-ke qamtamasyz etý sharalary kózdelip otyr. Sóıtip jalpy óńirlik ónimdi 2025 jylǵa qaraı 5 trln. teńgege jetpek. Oblystyq máslıhattyń jańadan saılanǵan depýtattary búgin 1-shi sessııada osy jáne ózge de maqsat-mindetter belgilengen óńirdiń 2021-2025 jyldarǵa arnalǵan damý baǵdarlamasyn biraýyzdan qoldady, dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Sessııa barysynda aımaqtyń bes jylǵa arnalǵan damý baǵdarlamasy jaıly oblys ákiminiń orynbasary J. Tuıaqov baıandady. Onyń aıtýynsha, óńir ekonomıkasyn kóterý – Baǵdarlamanyń birinshi jáne negizgi baǵyty. Ol úshin óńdeý ónerkásibiniń básekege qabilettiligin arttyrý maqsaty alǵa qoıylǵan. Búgingi tańda oblystyń ınvestısııalyq portfeline 5,4 trln. teńgege 546 joba engizildi.  Onyń ishinde óńdeý ónerkásibinde 2021-2025 jyldary tórt jarym myń jumys ornyn qura otyryp, ınvestısııalar kólemi 690 mlrd.teńge bolatyn 37 joba iske asyrylady.

Olardyń arasynda Transulttyq kompanııalardyń qatysýymen júzege asyrylatyn Ile aýdanynda usaq maldy tereń óńdeıtin «Jetisý qoı», Qapshaǵaı qalasynda iri qara mal etin óńdeıtin «Taıson fýds», Kerbulaq jáne Uıǵyr aýdandarynda «Prıma qus», «Káýsaragro» qus fabrıkalary, Eńbekshiqazaq aýdanynda «Jetisý volframy» ken óńdeý zaýyty, Sarqan aýdanynda «Kunkuat» jel elektr stansııasynyń qurylysy sııaqty jobalar bar. Sonyń nátıjesinde shıkizattyq emes eksport kólemi jyl saıyn 8%-ke, óńdeý ónerkásibindegi eńbek ónimdiligi 6%-ke artady.

J. Tuıaqovtyń aıtýynsha, aýyl sharýashylyǵynda basymdy daqyldar egistiginiń kólemi ulǵaıtylady. On úsh aýdanda 30 mal bordaqylaý alańy men 22 sút-taýarly fermasyn qurý josparlanyp otyr. Osynyń bári 2025 jylǵa qaraı aýyl sharýashylyǵynyń jalpy ónimin 1,3 trln. teńgege, eńbek ónimdiligin 2,5 ese ósirip, 6 mln. teńgege jetkizýge múmkindik beredi.

Oblysta shaǵyn jáne orta bıznestiń jalpy óńirlik ónimdegi úlesin 2025 jylǵa qaraı 38%-ke deıin jetkizý josparlanýda. Ol úshin «Bıznestiń jol kartasy» aıasynda jyl saıyn 265 kásipkerge qoldaý kórsetilip, «Eńbek» baǵdarlamasy boıynsha 3 myńnan astam adam shaǵyn nesıeler men granttar alatyn bolady.

О́ńir ekonomıkasyndaǵy lokomotıvterdiń biri retinde týrızmge de Baǵdarlamada zor mán berilgen. Qoldaý sharalarynyń arqasynda týrıstik aǵyn 2025 jylǵa qaraı 3,5 mln. adamǵa jetedi, bul bıýdjettiń kiris bóligine qomaqty úles qosatyn bolady.

Atap ótsek, Almaty oblysynyń 2021-2025 jyldarǵa arnalǵan damý baǵdarlamasyn júzege asyrýǵa 3,5 trln. teńge qarastyrylǵan, onyń 2 trln. 300 mlrd. teńgesi – bıýdjettik, 1 trln. 200 mlrd. teńgesi - jeke qarajat.

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar