Tikeleı efırge ýnıversıtettiń 13 fakýltet dekany, akademııalyq máseleler, sıfrlyq damý, halyqaralyq yntymaqtastyq, qarjy departamentteriniń dırektorlary, sonymen qatar Stýdentter úıi dıreksııasy men ǵylymı kitaphana dırektory, tirkeý ofısiniń basshysy, t.b. qatysty.
Qatysýshylar sanynyń munshalyqty kóp bolýynyń ózindik sebebi bar. О́ıtkeni, L.N. Gýmılev atyndaǵy Eýrazııa ulttyq ýnıversıteti Qazaqstandaǵy JOO arasynda alǵash ret uıymdastyryp otyrǵan tikeleı efır QR Bilim jáne ǵylym mınıstrliginiń mamandarymen qatar, elimizdegi kóptegen joǵary oqý oryndarynyń qyzyǵýshylyǵyn týyndatyp otyr.
Tikeleı efırge qatysqan 4000-nan asa stýdent oqý formaty, stýdentter úıinde turý erejeleri, JOO aýmaǵynda qaýipsizdik sharalaryn saqtaý, ýnıversıtettiń birinshi kýrs stýdentterin qabyldaýǵa daıyndyǵy, JOO qabyrǵasynda sanıtarlyq normalar men erejelerdi qamtamasyz etý jáne t.b. máseleler týraly naqty jaýap aldy. Biz qoıylǵan saýaldardy statıstıka úshin sanap ta kórdik, az emes – 1200 suraq!
Elbasy negizin qalaǵan Eýrazııa ýnıversıteti stýdentterdiń kedergisiz oqýǵa kirisýi úshin qajetti jaǵdaılardyń bárin jasaýda. Barlyq jerde sanıtarlyq-epıdemıologııalyq normalar saqtalǵan. Jataqhanada turatyn stýdentter úshin ınternetke kedergisiz qoljetimdilik jáne ýnıversıtettiń kompıýterlik tehnıkasyn paıdalaný múmkindigi qamtamasyz etilgen.
Taǵy bir aqparat: L.N. Gýmılev atyndaǵy EUÝ stýdentteri 18 qańtardan bastap ekinshi semestrdi bastaıdy. Qańtar aıynyń sońyna deıin sabaqtar onlaın ótse, 1 aqpannan bastap bakalavrıat, magıstratýra jáne doktorantýranyń birinshi kýrs stýdentteri úshin sabaqtar aralas formatta júrgiziledi. JOO qabyrǵasynda dárister-onlaın, semınarlar, zerthanalyq sabaqtar jáne basqa da praktıkalyq sabaqtar - dástúrli (oflaın) formatta. Al birinshi kýrs stýdentteri úshin jataqhanaǵa ornalasý qańtar aıynyń sońyna deıin jalǵasady.
