Almaty qalasyndaǵy «Jas otaý» neke saraıynyń dırektory Álııa Tutqyshevanyń múlikteri tárkilenip, 7 jylǵa bas bostandyǵynan aıyryldy. Bul týraly Tengrinews.kz habarlady.
Á. Tutqyshevanyń burynǵy áriptesi Nazym Mamyrhanovanyń da múlki tárkilenip, 7 jylǵa týzetý kolonııasynda otyratyn boldy. Sot ekeýinen «Jas otaý» JShS paıdasyna 105 mln. teńge tólem óndirýge qaýly shyǵardy. Munan ózge olar 1 mln. teńge kóleminde baj salyǵy men saraptama júrgizýge jumsalǵan 100 myń teńgege jýyq aqshany qaıtarady. Al úshinshi sottalýshy Ǵalııa Tutqysheva ýaqytsha oqshaýlaǵyshta 1 jyl otyrýy sebepti qulyp astynan bosatý jóninde qaýly qabyldandy. «Sot sheshimine kelispeımiz. Sondyqtan biz belgilengen merzim ishinde Almaty qalalyq sotyna shaǵym túsiretin bolamyz»,-deıdi N. Mamyrhanovanyń advokaty Aıan Qarymhanov.
Sot prosesi kezinde Álııa Tutqysheva men onyń qaramaǵyndaǵy eki qyzmetker – memlekettik mekemeniń bas mamany Ǵalııa Tutqysheva men býhgalter Nazym Mamyrhanovaǵa 157 mln. teńge kóleminde aqsha jymqyrdy degen aıyp taǵylyp, moıyndaryna qoıyldy. Á. Tutqysheva sot sheshimi shyqqanǵa deıin úıqamaqta otyrǵan. Qalǵan ekeýi ýaqytsha oqshaýlaǵysh abaqtysyna qamalǵan. Biraq, úsheýi de ózderine taǵylǵan aıypty moıyndamaı otyr.
Baqytbek Keneshuly.
Derekkóz: Tengrinews.kz
