Aldaǵy bes jylda Almaty oblysynda 5 mln. 400 myń sharshy metr turǵyn úı salynady

Aımaqtar • 15 Qańtar, 2021

Aldaǵy bes jylda Almaty oblysynda 5 mln. 400 myń sharshy metr turǵyn úı salynady

18 ret kórsetildi

Almaty oblysynda 2021-2025 jyldary oblysta shamamen 5 mln. 400 myń sharshy metr turǵyn úı salý josparlanýda, sonyń 1,1 mln. sharshy metri «Nurly Jer» baǵdarlamasy aıasynda iske asyrylady. Baspanamen úsh myńnan astam áleýmettik osal jáne 5500-den astam kóp balaly otbasy qamtamasyz etilmek. Bul týraly búgin oblystyq máslıhattyń VII shaqyrylymynyń I-shi sessııasynda oblystyń 2021-2025 jyldarǵa arnalǵan damý baǵdarlamasynyń jobasyn depýtattarǵa tanystyrǵan oblys ákiminiń orynbasary Jeńis Tuıaqov aıtty, dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Dınar KERIM

Baıandamashynyń aıtýynsha, atalǵan Baǵdarlamada oblysty jaıly jáne qaýipsiz óńir retinde damytý negizgi basymdyqtardyń biri bolyp belgilengen. Munda halyqtyń turǵyn úımen qamtýǵa erekshe kóńil bólinedi.

Oblysta bes jylda 5 mln. 400 myńdaı sharshy metr turǵyn úı salý kózdelse, sonyń 1,1 mln. sharshy metri «Nurly Jer» baǵdarlamasy arqyly sheshilmek. Sondaı-aq, 58 myń páterlik bir myńnan astam kommersııalyq úı salynady, onyń 5 myńy «7-20-25» baǵdarlamasy boıynsha iske asyrylady. Sonyń arqasynda turǵyn úımen úsh myńnan astam áleýmettik osal jáne 5527 kóp balaly otbasy qamtamasyz etiledi dep josparlanyp otyr.

Baǵdarlamada halyqty sapaly aýyz sýmen qamtamasyz etýge erekshe kóńil bólingen. Atap aıtqanda, 9 aýdannyń 33 aýylyna ortalyqtandyrylǵan sý júıesi salynady, 72 aýylda sý jelilerin jóndeý jumystary júrgiziledi. Sonyń nátıjesinde ortalyqtandyrylǵan sýmen 100% qamtamasyz etýge qalalar 2023 jyly qol jetkizse, aýyldar 2025 jyly jetedi.

«Almaty-Taldyqorǵan» magıstraldyq gaz qubyryn salý men eldi mekenderdi gazdandyrý deńgeıi 2014 jylǵy 20%-ten 2020 jyly 59%-ke deıin ósti. «Taldyqorǵan-Úsharal» jáne «Shelek-Kegen» magıstraldyq gaz qubyrlaryn salý arqyly Aqsý, Sarqan, Alakól, Kegen jáne Raıymbek aýdandarynyń 195 eldi mekeni gazben qamtylatyn bolady. Sóıtip 1,6 mln.turǵyn nemese búkil halyqtyń 76% kógildir otynnyń ıgiligin kórý múmkindigine ıe bolady.

Sondaı-aq, baǵdarlamada shaǵyn qalalardyń kóp qabatty turǵyn úılerine gazben isteıtin blokty-modýldi qazandyqtar ornatý qarastyrylǵan. Bul jumys 2018 jyly Talǵar qalasynan bastalyp, ótken jyly Qaskeleńde jalǵasqan. Úsh jyldyń ishinde eki qalada 4898 páterli 152 úı ortalyq jylý júıesine qosyldy. Endi Esik, Jarkent qalalaryn jáne basqa da iri eldi mekenderi qamtylady, sóıtip avtonomdy jylytý problemasy tolyǵymen sheshiledi.

Baǵdarlamada jergilikti joldardy jaqsartýǵa da kóńil bólingen. Bes jyl ishinde tórt myń shaqyrymnan astam joldy qaıta qurý jáne jóndeýdiń barlyq túrlerimen qamtý josparlanýda. Osynyń esebinen 118 aýyldaǵy joldardyń sapasy jaqsarady. Sóıtip jaqsy jáne qanaǵattanarlyq jaǵdaıdaǵy jergilikti joldardyń úlesin 2025 jylǵa qaraı 100%-ke jetkizý mindeti qoıylyp otyr.

Sol sııaqty qylmysty azaıtý maqsatynda qoǵamdyq oryndarynda 1736 beınebaqylaý kameralaryn ornatý, jyl saıyn keminde 30 patrýldik avtokólik satyp alý, turǵyn úımen biriktirilgen ýchaskelik polısııa pýnktteriniń sanyn 217-ge jetkizý kózdelgen.

Jalpy Almaty oblysynda ınjenerlik ınfraqurylym men áleýmettik nysandardyń jaǵdaıyn jaqsartý úshin 590 mlrd. teńgege - 1 129 joba, onyń ishinde «Aýyl - el besigi» jobasy sheńberinde 104 mlrd. teńgege 445 joba iske asyrylady. Barlyǵy 407 aýyl nemese aýyldyq eldi mekenderdiń 56%-i qamtylady. Osy sharalar esebinen 2025 jylǵa qaraı óńirlik standarttar júıesine sáıkes keletin aýyldardyń úles salmaǵy 54%-ten 90%-ke deıin ulǵaıady.

Atap ótsek, Almaty oblysynyń 2021-2025 jyldarǵa arnalǵan damý baǵdarlamasyn júzege asyrýǵa 3,5 trln. teńge qarastyrylǵan, onyń 2 trln. 300 mlrd. teńgesi – bıýdjettik, 1 trln. 200 mlrd. teńgesi - jeke qarajat.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz