Keshe Premer-Mınıstr Serik Ahmetovtiń tóraǵalyǵymen ótken Úkimet otyrysynda 2014-2016 jyldarǵa arnalǵan naqtylanǵan respýblıkalyq bıýdjetti júzege asyrý týraly qaýly qabyldandy.
Keshe Premer-Mınıstr Serik Ahmetovtiń tóraǵalyǵymen ótken Úkimet otyrysynda 2014-2016 jyldarǵa arnalǵan naqtylanǵan respýblıkalyq bıýdjetti júzege asyrý týraly qaýly qabyldandy.
Aldaǵy úsh jyl kezeńdegi respýblıkalyq bıýdjet týraly zańǵa Memleket basshysy jeltoqsannyń basynda qol qoıǵan bolatyn. Al atalmysh qaýly sol zańnyń oryndalýyn júzege asyrady.
Qaýly jobasy týraly Ekonomıka jáne bıýdjettik josparlaý mınıstri Erbolat Dosaev baıandady. Mınıstrdiń málimetinshe, Bıýdjet kodeksiniń talaptaryna sáıkes qalyptastyrylǵan qaýly jobasynda oblystar jáne Astana men Almaty bıýdjetterine aǵymdaǵy nysanaly transfertter men nesıeler somalaryn bólý, qarajattyń bir bóligin «Bıznestiń jol kartasy-2020», «Jumyspen qamtýdyń jol kartasy-2020» jáne «Monoqalalardy damytý-2020» baǵdarlamalary boıynsha bólý, memlekettik organdarǵa berilgen 2014 jylǵa arnalǵan bıýdjettiń ýaqtyly atqarylýyn qamtamasyz etý jónindegi jáne basqa da tapsyrmalar eskerilgen.
Budan basqa, qaýly jobasynda memlekettik mindetter, basymdyqty respýblıkalyq bıýdjettik ınvestısııalar, keıinge qaldyrý sharttarymen respýblıkalyq bıýdjet jobasyna engizilgen asa mańyzdy jáne jedel oryndaýdy talap etetin mindetter tizbesi kórsetilgen.
Qujatta, sondaı-aq, 2014 jyldyń bıýdjetin merziminde oryndaýdy qamtamasyz etý boıynsha memlekettik organdarǵa tapsyrmalar mazmundalǵan.
Úkimet basshysy Premer-Mınıstr Keńsesine Ekonomıka jáne bıýdjettik josparlaý mınıstrligimen birlese otyryp, atalǵan qaýlynyń jobasyna qol qoıýdy daıarlaýdy tapsyrdy. «Bunyń aldynda kelisilgendeı, bıýdjettik baǵdarlamalardyń ákimshileri jyl sońyna deıin 2014-2018 jyldarǵa arnalǵan ózderiniń barlyq strategııalyq josparlaryn bekitýi qajet», dedi S.Ahmetov. Premer-Mınıstr, sonymen qatar, aǵymdaǵy jyly Úkimettiń qorytyndy otyrysy 24 jeltoqsanda ótetinin aıta kele, 18 jeltoqsanǵa deıin barlyq memlekettik organdardyń basshylaryna jobalardyń sheshimin Úkimettiń otyrysyna engizýdi qamtamasyz etýdi júktedi.
Dınara BITIKOVA,
«Egemen Qazaqstan».
