Sonymen, sottyń aqparaty boıynsha, er adamnyń esimi - Adıtıa Sıngh. Ol 36 jasta, ári jumyssyz. Onyń Chıkagoǵa ótken jyldyń 17 qazanynda ushyp kelgeni belgili. Ol kelgennen keıin O'Hare halyqaralyq áýejaıynyń qaýipsizdik aımaǵynda 3 aı turǵan. Bir qyzyǵy, áýe aılaǵynyń qyzmetkerleri mundaı ýaqytta beıtanys adamdy baıqamaǵandaryn aıtady.
Adıtıa Sıngh O'Hare halyqaralyq áýejaıynyń qaýipsiz aımaǵynda úsh aı boıyna jasyrynǵan. (Derek Chıkago polısııa departamentinen)
Alaıda, 16 qańtar kúni medısınalyq maska kıgen er adam United Airlines qyzmetkerlerine kelip, ózi usynǵan qujatqa nazar aýdarýyn suraıdy. Onyń qolyndaǵy qujat áýejaı qyzmetkeriniń tósbelgisi bolatyn. Bul belgisheni 2020 jyldyń 26 qazanynda áýejaı qyzmetkerleriniń biri joǵaltyp alǵan.
Munyń bári kúzetshilerdi shaqyrýmen aıaqtaldy. Olar qorǵalatyn aýmaqqa zańsyz kirip, urlyq jasaǵany úshin er adamdy ustady. Anyqtaı kele ustalǵan er adam buryn eshqashan zań buzbaǵan bolyp shyqty.
Jaýap alý kezinde ol tósbelgini áýejaıdan taýyp alǵanyn aıtqan. Onyń sózinshe, Los-Andjelestegi úıine pandemııadan qoryqqandyqtan qaıta almaı júr.
Adıtıa Sınghke naqty qandaı shara qoldanylatyny ázirge belgisiz.
