Kólik jáne ınfraqurylym mınıstriniń orynbasary О́mer Fatıh Saııan iri mekemelerdiń Facebook pen Instagram-ǵa aqparat salar aldynda tıisti talaptarǵa baǵynýyn talap etti. Sonymen qatar ol áleýmettik jelilerdi retteý týraly zańǵa sáıkes ókildikter ashýdy josparlaryp otyrǵanyn ashyq aıtty.
El bıligi ótken jyldyń qarasha aıynda kompanııalardyń Facebook, Instagram, Twitter, YouTube, Periscope jáne TikTok áleýmettik jelilerine ókildikter týraly aqparatty ýaqytynda usynbaǵany úshin 10 mıllıon túrik lırasyna (shamamen 1,2 mıllıon dollar) aıyppul saldy.
Túrkııa úkimeti qorlaıtyn jáne jala dep sanaıtyn habarlamalar sot sheshiminsiz 48 saǵat ishinde joıylýy kerektigin eske saldy.
Eger kontentti joıý jáne áleýmettik jeli ókilderin taǵaıyndaý boıynsha belgilengen talaptar oryndalmaǵan jaǵdaıda, iri aıyppuldar salynady. Osy tarapta trafıktiń aıtarlyqtaı qysqarýy da kózdelgen. Sol sebepti zań ókilderi kompanııalardan Túrkııadaǵy paıdalanýshylardyń barlyq derekterin saqtaýdy talap etip otyr.
