Túrkııa Respýblıkasynyń Prezıdenti Rejep Erdoǵan óz jedelhatynda kúlli Túrkııa halqynyń atynan Elbasyny Parlament saılaýyndaǵy «Nur Otan» partııasynyń jeńisimen quttyqtap, baýyrlas Qazaqstan halqynyń ósip-órkendeı berýine tilektestik bildirdi.

О́zbekstan Respýblıkasynyń Prezıdenti Shavkat Mırzııoev ótken saılaýdyń qorytyndysy «Nur Otan» partııasy Qazaqstan halqynyń jappaı qoldaýyna ıe jáne eldegi jetekshi saıası kúsh ekenin taǵy bir márte dáleldegenin atap ótti.

«Jańa quramdaǵy Parlament dostas Qazaqstan halqynyń ál-aýqatyn arttyrýǵa, aýqymdy reformalar men jasampaz jumysty turaqty túrde jalǵastyrýǵa, sondaı-aq halyqaralyq arenada Sizdiń elińizdiń bedeli men ımıdjin nyǵaıtýǵa qyzmet etedi degen senimdemin», delingen Sh. Mırzııoevtiń jedelhatynda.

Ázerbaıjan Respýblıkasynyń Prezıdenti Ilham Álıevtiń jedelhatynda Qazaqstannyń damýy «Nur Otan» partııasynyń qyzmetimen tyǵyz baılanysty ekeni aıtylǵan.

«Partııa qurylǵan kúnnen bastap Qazaqstan memleketi men halqyna abyroımen qyzmet etip keldi. О́zińiz basqaryp otyrǵan partııanyń jeńisi Qazaqstannyń órkendeýi jolynda júrgizip otyrǵan jalpyulttyq saıasat pen kópjosparly qyzmetke bergen joǵary baǵa jáne halyqtyń Sizge degen senimin kórsetip otyr», dep jazady I.Álıev.

Sondaı-aq Serbııa Prezıdenti Aleksandr Výchıchten de quttyqtaý jedelhaty kelip tústi.

«Parlament saılaýynda Sizdiń partııańyzdyń jeńiske jetýimen shyn júrekten quttyqtaımyn. Halyqtyń úlken qoldaýy Qazaqstannyń durys baǵytta – damý men órkendeý jolynda kele jatqanynyń dáleli ekenine senimdimin», delingen jedelhatta.

Sonymen birge Majarstannnyń Premer-Mınıstri Vıktor Orban men Horvatııa Respýblıkasynyń burynǵy Prezıdenti Stepan Mesıchtiń Elbasyǵa joldaǵan hattarynda da jyly lebizder aıtylǵan.