Kásipqoı boks • 21 Qańtar, 2021

Golovkın-«Kanelo» trılogııasy bola ma?

96 ret kórsetildi

«Toıdyń bolǵanynan boladysy qyzyq» degendeı otandasymyz Gennadıı Golovkın men Meksıkanyń maqtanyshyna aınalǵan Saýl «Kanelo» Alvares arasyndaǵy úshinshi jekpe-jek qashan ótedi degen suraq tóńireginde áńgime qazirgi tańda qyzyp tur. Tipti trılogııa taǵdyry tek qazaqstandyq boks jankúıerleri ǵana emes, búkil álem kórermenderiniń bas aýrýyna aınaldy desek te bolatyn shyǵar.

 

2019 jyldan beri uıymdastyrylýy yqtımal degen úshinshi aıqas túrli sebeptermen áli kúnge deıin keıinge ysyrylyp keledi. Bul jekpe-jektiń byltyr ne úshin ótpegeni barshaǵa belgili degen oıdamyz. Álemdi sharpyǵan koronavırýs pandemııa­syna baılanysty 2020 jyly boksshylar úshin sharshy alańǵa shyǵý bylaı tursyn, jattyǵý jasaýdyń ózi muń boldy. О́ıtkeni barlyq elde karantındik shekteý engizilip, sporttyq básekelerdi ótkizýge tyıym salyndy. Al kásipqoı boksshylardyń bir shoǵyry jınalǵan AQSh vırýstyń oshaǵyna aınalǵan soń ol jaqta, tipti, sport zalda shynyǵýdyń ózine shekteý qoıyp tastady. Sóıtip birqatar boks­shy byltyr birde-bir ret sharshy alańǵa shyqpaı, jankúıerlerin qýanta almady. Degenmen jyl sońyna qaraı karantın talaby jeńildeı bastaǵan soń promoýterler iske kirisip, qolastyndaǵy boksshylaryna boks keshterin uıymdastyra bastady.

Solardyń qatarynda qazirgi tańdaǵy kásip­qoı bokstyń shoq juldyzyna aı­nal­ǵan Gennadıı Golovkın men Saýl Alvares te bar. Ekeýi de jeltoqsanda, ıaǵnı bir ýaqytta sharshy alańǵa kóterilip, boksty saǵynǵan kórermenderge tamasha shoý usyndy. Jeltoqsannyń 19-ynda Golovkın Polshanyń myqtysy Kamıl Sheremetany merziminen buryn jeńip, jyldy sátti qorytyndylaı aldy. Al araǵa bir kún salyp Alvares brıtanııalyq boksshy Kallým Smıtpen judyryqtasyp, 12 raýndqa sozylǵan básekede tek upaı sanymen basym tústi. Kezdesýden keıin eki boksshy da óz oılaryn ortaǵa salyp, kez kelgen boksshymen judyryqtasýǵa tábetteri ashylyp turǵanyn jetkizdi. Sondaı-aq eger promoýterler tıimdi usy­nys jasaıtyn bolsa, trılogııaǵa da qarsy emestigin aıtyp qaldy.

Jeltoqsandaǵy jekpe-jekten keıin boks sarapshylary eki boksshy arasyndaǵy úshinshi kezdesý bıyl ótýi múmkin be, álde joq pa? Trılogııa kimge tıimdi, kimge tıimsiz degen suraq tóńireginde óz oı-pikirlerin aıtyp jatyr. Biz de osy máseleniń basyn ashý maqsatynda otandyq jáne sheteldik mamandardyń pikirine júginip kórgen edik.

Amerıkalyq TALKsport portalynyń redaktory Maıkl Benson Gennadıı Golovkın men Saýl Alvares arasyndaǵy úshinshi jekpe-jek bıyl kúz mezgilinde ótetinine senimdi. «Golovkın men Ka­nelo» rıngke bir ýaqytta oraldy. GGG Sheremetany senimdi jeńdi, al Alvares Kallýmǵa esh múmkindik qaldyrmady. Árıne qarsylastaryn salystyrýǵa kelmeıdi, biraq eki boksshy da babynda. Ekeýin eki túrli sharshy alańda kór­gende kópshiliktiń olardy bir rıngte kó­rýge yntasy ashyldy. Bıyl DAZN platformasynyń eń negizgi jumysy – GGG men «Kanelo» arasyndaǵy trılogııany uıymdastyrý bolmaq. О́ıtkeni bul shoý­dy ótkizý boksshylarǵa, platfor­ma men promoýterlerge de paıdaly. Son­dyqtan bul aıqas osy jyldyń kúz mez­gilinen uzaqqa sozylmaıdy», deıdi Benson.

Al ardager sport jýrnalısi, Golovkın men «Kanelo» arasyndaǵy alǵashqy jekpe-jekte elge AQSh-tan habar taratqan Nesip Júnisbaıuly óziniń Facebook áleýmettik jelisindegi paraqshasynda eki boksshy arasyndaǵy úshinshi báseke múlde ótpeýi múmkin degen pikir bildirdi. Onyń paıymdaýynsha, Gennadıı Alvaresten úshinshi jekpe-jekti qansha suraǵanmen bul shaıqas bola qoımas.

«О́ıtkeni «Kanelo» Golovkındi búginde ózine teń qarsylas dep sanamaı­dy. Meniń oıym: Genaǵa shama kelse «Kanelomen» shyqpaı-aq qoıǵany durys. Men bul jaıly 2-3 jyl buryn da aıtqanmyn. Golovkın – talassyz talantty, kúshti boksshy. Biraq onyń mundaı qarsylaspen shaıqasatyn kezeńi ótip ketti. Árıne, bul umtylystyń artynda teńizdeı tolqyǵan aqsha tur. Biraq aqsha kúnderdiń kúninde taýsylady, al jeńilip qalsa, ol ataq máńgilik mańdaıyna jazylady. Bul meniń Golovkındi boksshy retinde jaqsy kórgennen keıin aıtqanym. Golovkın de Alvarestiń dárejesinde óser edi, eger boksty bastaǵanda ony birden shyn myq­tylarǵa salǵanda. Ásirese, Germanııada ótkizgen alǵashqy 4-5 jyly men sııaqty kóringenmen shaıqasyp, bosqa ketti...», deıdi. Sonymen qatar Nesip Júnisbaıuly «Kanelonyń» búgingi tańdaǵy ǵajap boksynyń tylsymy – tabıǵat bergen talant, tynymsyz jattyǵýmen qatar boks­shy bolyp, aıaǵyna turǵannan beri naǵyz myqtylarmen shaıqasyp kelýinde ekenin aıtady.

Bul pikirdi bokstan Afıny Olımpıa­dasynyń chempıony, otandyq telearnalardan Golovkınniń boksyna sarapshylyq jasap júrgen Baqtııar Artaev ta qol­daıtynyn jetkizdi. Olımpıada chempıo­nynyń piki­rinshe, Golovkın «Kanelomen» jekpe-jek ótkizip abyroıyn joǵaltqansha, deń­­geı jaǵynan shamalas boksshylarmen judyryqtasa bergeni jón.

«Menińshe, Gennadııdiń Alvarespen jekpe-jek ótkizbegeni durys sııaqty. Sebebi Golovkın jyl ótken saıyn qar­taıyp, burynǵyǵa qaraǵanda kúsh-qaıraty sarqylyp jatyr. Al «Kanelo» bolsa kerisinshe, jyl saıyn kúshine kúsh qosyp keledi. Eger úshinshi báseke bolatyn bolsa, Gennadııge óte qıyn bolady. Ol da bul aıqastyń ózine ońaı soqpaıtynyn biledi dep oılaımyn. Bálkim meniń oıym qate shyǵar, biraq eki boksshy arasyndaǵy ekinshi judyryqtasýdyń nátıjesi meniń sózimdi qýattaı túsedi degen oıdamyn. Sondaı-aq kózi ashyq jankúıerler birinshi jekpe-jek pen ekinshiniń aıyrmashylyǵy jer men kókteı ekenin de biledi. Ekinshi aıqastan Alvarestiń áldeqaıda óskenin kórýge bolady. Qoryta aıtqanda, eki boks­shy arasyndaǵy úshinshi kezdesý ótpeıdi dep esepteımin», deıdi B.Artaev.

Sport jýrnalısi Bek Tóleýov trılo­gııanyń taǵdyry buǵan deıin qarjy máselesine baılanysty sheshimin tappaı kelse, endi oǵan salmaq dárejesi de qosylǵanyn aıtady. О́ıtkeni jýyrda ǵana meksıkalyq boksshynyń bapkeri, ári menedjeri Eddı Reınoso Saýl GGG-men tek 168 fýntta judyryqtasady jáne jekpe-jek sharttaryn da Alvares qoıady degen bolatyn.

«Golovkın men «Kanelonyń» úshinshi ret kezdesýin kútip júrgenderdiń basym kópshiligi qazaqstandyq boksshynyń jankúıerleri dep oılaımyn. О́ıtkeni GGG-diń karerasy aıaqtalýǵa jaqyn kezde meksıkalyqty jeńse dep armandaıdy. Al «Kanelonyń» esebi túgel. Ol úshinshi ret asyǵystyq tanyta qoımas. Golovkınge bıyl jyldyń sońyna deıin shyǵyp úlgermese qıyn bolady. Osy jyly 39 jasqa tolady. 40 jasynda ózinen 8 jas kishi ári naǵyz babynda tur­ǵan sportshyny uryp qulatý qıyn. Osy arada salmaqqa qatysty aıtqym keledi. Golovkın sporttyq karerasynda tek 72 kıloda judyryqtasyp keledi. «Kanelo» túbegeıli ekinshi orta salmaqqa (76,2 kg) aýysyp ketti. Endi trılogııa úshin Genna­dıı joǵary salmaqqa aýysýǵa táýekel ete me? Osy jaǵy qyzyq bolyp tur. Bul kezdesý ekeýine de bir ǵana jaǵdaıda qajet. Ol – tek qarjy tabý turǵysynan. DAZN kompanııasy eki boks­shymen de kelisim­shartqa otyrǵan. Ázirge ekeýinen de durys tabys túsip jatpaǵan kórinedi. Amerıkalyqtar úshin Golovkın men Kanelonyń ótkizip júrgen jekpe-jekteri qyzyqsyz, qarsylastary álsiz. Eger úsh tarap ta jaqsy aqsha tabýdy kózdese, trılogııany ótkizeri anyq», deıdi ol.

Jalpy jankúıerler qaýymynyń basym bóligi eki alyptyń arasyndaǵy eki aıqastyń qorytyndysy boıynsha esep teń dep esepteıdi. Sebebi alǵashqy básekede GGG basym bolǵanyn aıtady. Endi kimniń shyn myqty ekenin anyqtaý úshin jáne adamdarda kúmán qalmaýy úshin báribir sheshýshi kezdesý kerek sııaqty. Sonymen qatar 2020 jyly jóni túzý jekpe-jek tamashalaı almaǵan kórermender bıyl eki boksshy arasyndaǵy Big Drama Show-dy kórýge ábden quqyly dep esepteımiz.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar