Spıkerdiń sózinshe, eksklıýzıvti kontenti bar erekshe «AntikorNews» medıa-jobasy Agenttiktiń BAQ-pen jáne jurtshylyqpen ózara is-qımylynyń mańyzdy quralyna aınalǵan. Ol sybaılas jemqorlyqqa qarsy kontenttiń úzdiksiz onlaın kórsetilimin qamtamasyz etip, sondaı-aq Antıkor qyzmetiniń nátıjeleri men basymdyqtary týraly jedel habarlaǵan.
P.Sádýaqas bul jobanyń az ǵana ýaqyt aralyǵynda nátıje berip, suranysqa ıe bolǵanyn tilge tıek etti. Onyń tujyrymdamasyna tipti Iordanııa Koroldiginiń Sybaılas jemqorlyqqa qarsy komıssııasy qyzyǵýshylyq tanytyp, óz vedomstvolarynda osyndaı jobany engizýdi josparlap jatqandyǵyn atap ótti.
Agenttiktiń «AntikorLive» medıa-jobasy parasattylyq ıdeologııasyn túsindirýge jáne qoǵamda sybaılas jemqorlyqqa qarsy mádenıetti qalyptastyrýǵa baǵyttalǵan. Budan bólek, joba aıasynda sybaılas jemqorlyqqa qarsy is-qımyl salasyndaǵy memleket saıasatynyń túrli aspektileri únemi jarııalanyp otyrady.
Agenttik belsendilikti arttyrý úshin Instagram paraqshasynda jańa aıdarlar ashty. Aýdıtorııany tartý úshin «Siz bilesiz be?», «AntıkorTalanttary», «Ulylardyń qanatty sózderi», «Kún sany», «Mıf jáne shyndyq» aıdarymen tanymdyq jáne anımasııalyq posttar, beınerolıkter jarııalandy.
Sondaı-aq, Agenttik arnaıy poshta markasy men Elbasynyń sybaılas jemqorlyqqa qarsy kúres týraly qanatty sózderi bar poshta konvertterin shyǵarǵan alǵashqy memlekettik organ bolǵanyn atap ótken jón.
Agenttik respýblıkalyq jáne óńirlik BAQ ókilderimen yntymaqtastyqta belsendi aqparattyq jumys júrgizedi.
Eseptik kezeńde ortalyq apparat qyzmetkerleriniń 60-tan astam suhbaty uıymdastyryldy. Sonymen qatar, Agenttik «Tengrınıýs», «Zakon.kz», «QazTAG», «Informbıýro», «Ratel», «Vremıa» jáne t.b. BAQ-tyń 200-ge jýyq resmı jáne beıresmı suraýlaryna jaýap berdi.
Jýrnalıstıka kúnine oraı «Úzdik ınternet-jarııalanym», «Úzdik baspa jarııalanymy», «Úzdik televızııalyq jumys» nomınasııalary boıynsha sybaılas jemqorlyqqa qarsy taqyrypqa arnalǵan konkýrs uıymdastyryldy. Nátıjesinde «Qazaqparat» AA, «Zakon.kz», «Kazpravda.kz» ınternet-basylymdarynyń, óńirlik «Mańǵystaý», «Bilim ainasy», «Nasha gazeta» gazetteriniń, «Astana TV», «Almaty TV», «Habar 24» telearnalarynyń jýrnalısteri jeńimpaz atandy.
