Ekologııa • 21 Qańtar, 2021

Qaraǵandyda akvamádenıetti damytý ortalyǵy qurylady

5 ret kórsetildi

Ekologııa, geologııa jáne tabıǵı resýrstar mınıstri Maǵzum Myrzaǵalıev Qaraǵandy oblysyna jumys sapary barysynda «Qaraǵandy-Osetr» balyq sharýashylyǵynyń jumysymen tanysty, dep habarlaıdy Egemen.kz mınıstrliktiń baspasóz qyzmetine silteme jasap.

«Qaraǵandy-Osetr» JShS 2013 jyly quryldy. Kásiporyn jabyq sıkldy sýmen qamtý sıklynda jumys isteıdi. Ázirge 15 qyzmetkeri bar sharýashylyqtyń qýaty jylyna 45 tonna taýarly balyq pen 4 tonna ýyldyryqty quraıdy. 2020 jyly 15 tonna taýarly balyq satylǵan.

M.Myrzaǵalıev pen óńir ákimi Jeńis Qasymbek kásiporynnyń jumysymen – dıagnostıka, chıpteý, soıý, qaıta óńdeý prosesterimen tanysyp kórdi.

1

Aıta keteıik, QR Ekologııa, geologııa jáne tabıǵı resýrstar mınıstrligi 2030 jylǵa deıingi balyq sharýashylyǵyn damytýdyń Memlekettik baǵdarlamasyn ázirlegen. Sonyń negizinde Qaraǵandy oblysynda  salany damytýdyń óńirlik baǵdarlamasy qabyldandy. Baǵdarlama aıasynda kásiporyn balyq sharýashylyǵy salasynda eki jobany júzege asyrmaq. Biri baıytylǵan jem óndirisi zaýytyn, ekinshisi Qarasór kólinde akvamádenıetti damytý ortalyǵyn qurý. Jospar boıynsha ol ınkýbasııalyq sehy, taýarly forel ósiretin sharýashylyǵy, karp jáne sıga tuqymdas taýarly balyq ósiretin ortalyǵy, balyq óńdeý sehy jáne JOO-larmen birge salaǵa maman daıyndaıtyn mektebi bar tolyq sıkldy keshen bolmaq.

1

«Jylyna 1500 tonna taýarly balyq óndirgimiz keledi. Balyq otyrǵyzý materıaldary óndirisin 36 mln dana sıga, 1,5 mln dana sıga, 3,5 mln dana forel dep eseptep otyrmyz. Jobaǵa 1,52 mlrd teńge ınvestısııa tartylyp, 100 jańa jumys orny qurylady», dedi kásiporyn basshysy Dmıtrıı Abıldın.

Jalpy elimizdiń balyq sharýashylyǵy salasynyń potensıaly – jylyna 600 myń tonna balyq. Salany damytý baǵdarlamasyna sáıkes, kórsetkishtiń 45%-yna 2030 jyly, qalǵan 55%-yna 2040 jyly qol jetkiziledi. 2030 jylǵa qaraı 270 myń tonna taýarly balyq ósirý josparlanyp otyr. Barlyǵy 545 jańa balyq sharýashylyǵy qurylady jáne jumys istep turǵan 323 sharýashylyq tolyq jobalyq qýatyn oryndaıdy.

 

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar