Baspasóz máslıhatynda ol eki kún buryn jańa bosanǵan áıeldi nárestesimen birge Ulan-Batyrdaǵy perzenthanadan Ulttyq ishek aýrýlaryn zertteý ortalyǵyna aýystyrý jaǵdaıyn eske túsirip, jaýapty tulǵalardyń jibergen qateligi men raqymsyzdyǵy úshin ókinishin bildirdi.
«Memlekettik qyzmetkerlerdiń atynan olardyń jaýapsyzdyǵy úshin jáne ózimniń atymnan bolǵan oqıǵaǵa baılanysty ókinishimdi bildiremin», dep málimdedi Ý.Hýrelsýh.
Budan keıin ol COVID-19 pandemııasy jaǵdaıynda 1,6 mln turǵyny bar el astanasynda qatań karantın jáne keıbir aımaqtarda qozǵalysty tolyq shekteý boıynsha sharalar qoldanylǵanyn aıtty. Osy tarapta Premer-mınıstr bul jerde qatelikter jiberilgenin atap ótti.
«Meniń kabınetimniń eki múshesi atalǵan qatelikterge jol bergenine qatysty otstavkaǵa ketýdi surady. Bul kabınet alǵash ret qurylǵanda, biz komandamen jumys isteýdi josparlaǵan edik. О́kinishke qaraı, bulaı bolmady. Halyq osyǵan baılanysty alańdaýshylyq bildirdi. Jas azamattardyń úkimetke ókinishin bildirý úshin kóshege shyqqany durys. Premer-mınıstr retinde osyndaı sheshim qabyldap otyrmyn, jaýapkershilik bárimizge ortaq bolýy tıis», dedi Ý. Hýrelsýh.
