Bastapqy qos kezdesýde Grekııa men Majarstannan utylǵan Qazaqstannyń áıelder quramasy sońǵy básekede Izraıl vaterpolshylarymen teń oınady. Esep – 7:7. Nátıjesinde qyzadyrymyz óz tobynda úshinshi oryndy ıelendi. Endi shırek fınalda jerlesterimiz Nıderland quramasymen sheberlik baıqasady.
Birden aıta keteıik, Nıderland óte myqty qarsylas. Olar 1991 jyly álem chempıony atansa, 1986, 1994, 1998 jáne 2005 jyldary kúmis medaldi ıelendi. Eýropa birinshiliginde bes márte top jaryp, tórt ret fınalda oınady. Taǵy úsh ret qolaǵa qol sozdy. Sondaı-aq, 2008 jyly Beıjińde Qyzǵalaqtar eliniń qyzdary Olımpııa oıyndarynda altynnan alqa taǵyndy.
