Kólikten túsken eki azamat joldyń shetindegi jeńil avtokóliktiń janynda esinen tanyp jatqan, jasy elýler shamasyndaǵy áıeldi kóredi. Onyń janyndaǵy kisilerdiń sharasyzdyqtan abdyrap turǵany baıqalady. Baýyrbek dereý batyl qımyldap, beıtanys áıeldiń qarysyp qalǵan jaǵyn syr boıaıtyn taıaqshamen kúshtep ashyp, tilin jutyp qoımaýy úshin jantalasady. Munan ári «Jedel járdem» kelgenge deıin naýqastyń janynda bolady.
Kenetten qıyn jaǵdaıǵa tap bolǵan áıel otbasymen birge kórshi aýylǵa bir sharýamen ketip bara jatqan eken. Onyń talma aýrýy bar bolyp shyqty. Der kezinde anasyn ajaldan arashalap qalǵan azamattarǵa rıza bolǵan qyzy Gúlmaral Jambyl oblystyq tótenshe jaǵdaılar departamentine alǵys hat joldapty.
Jambyl oblysy
