Osy odaq týraly aıtqan kezde eń aldymen oǵan múshe-memleketterdiń arasyndaǵy syılastyq jaıynda aıtý kerek shyǵar. Syılastyq qaıtse de bolýy shart. О́kinishke qaraı, Reseı Federasııasy depýtattarynyń buǵan deıin bildirgen orynsyz pikirleri bul memlekettiń bıligi ustanǵan pozısııaǵa qarama-qaıshy kelip qalǵany ańǵarylady.
Árıne, qaı memlekettiń bolsyn ustanymyn sol eldiń Prezıdenti men Syrtqy ister mınıstri ǵana aıqyndaı alady. Alaıda ańdaýsyz aıtylǵan artyq pikir osy odaqtyń mán-maǵynasyna daq túsirip alǵan sekildi. Sondyqtan memleketter arasynda syılastyq bolsa qarym-qatynas ta, saýda-sattyq ta damıdy. Bul rette, Prezıdentimizdiń Reseı Federasııasynyń Qazaqstandaǵy Tótenshe jáne ókiletti elshisi Alekseı Borodavkındi II dárejeli «Dostyq» ordenimen marapattaýy – Reseı men Qazaqstannyń arasyndaǵy dostastyqty nyǵaıtýǵa baǵyttalǵan qadamy dep qabyldaýǵa bolatyn sııaqty.
О́z basym, osy odaqqa О́zbekstannyń kirgenin qalar edim. О́kinishke qaraı, О́zbekstan ondaı qadamǵa áli bara qoımaıtyn sııaqty. Bul memlekettiń odaq quramyna qosylǵany Qazaqstan úshin de qolaıly bolar edi. Sebebi bir ekonomıkalyq aımaqta bolsaq, baýyrlas eki el arasynda múddelestik arta túsetini aqıqat. Alys-beris, saýda-sattyq damıdy. 30 mln halqy bar memleketpen sanaspaı qoıa almaımyz. Bul qadam eki memleketke tıimdi bolatynyna senimdimin.
Ashyǵyn aıtaıyq, menińshe, qazir Eýrazııalyq ekonomıkalyq odaqtan Qazaqstannan góri, Reseı kóp paıda kórip otyr. Ony moıyndaýymyz kerek. Alaıda osy odaqqa О́zbekstan, Túrikmenstan, Ázerbaıjan tipti Túrkııa syndy baýyrlas túrki memleketteri qosylatyn bolsa, bizdiń de asyǵymyz alshysynan túsýi yqtımal. Sondyqtan aldaǵy bes jylda aýqymdy jumystar atqarylyp, mańyzdy máseleler talqylanady dep senemin.
Samat NURTAZA,
Eýrazııalyq ıntegrasııa ınstıtýtynyń sarapshysy
