Ýeın 1961 jyldyń 26 qańtarynda Kanadanyń Ontarıo shtatyna qarasty Branford qalasynda týdy. 1978-1999 jyldar aralyǵynda «Edmonton Oılerz», «Los-Andjeles Kıngz», «Sent-Lýıs Blıýz» jáne «Nıý-Iork Reındjeres» klýbtary sapynda óner kórsetken ol kóptegen tolaǵaı tabystar men rekordtyq kórsetkishterge qol jetkizdi. Atap aıtsaq, Kanada kýbogyn – úsh, Stenlı kýbogyn tórt ret utty. Ulttyq hokkeı lıgasynyń (UHL) eń qundy oıynshysy ataǵyn toǵyz ret ıelense, eń mergen shabýylshyǵa tıesili arnaıy syılyqty 10 márte oljalady. Túrli saıystarda 61 rekordty jańartty. «Juldyzdar matchynda» alty márte óner kórsetip, 14 goldyń avtory atandy. Bul da rekord! UHL-da barlyǵy 1487 ret muzaıdynǵa shyǵyp, 894 gol soqty, 1 963 nátıjeli pas berdi. Kezinde álemniń eń úzdik hokkeıshileriniń biri sanalǵan Mark Messeniń ózi aıtýly azamatty «Endi Gretskıdeı oıynshymen qaıta qaýyshýymyz neǵaıbyl. Ol – júz emes, myń jylda bir qaıtalanatyn keremet qubylys!» dep baǵalaǵan edi.
Qazirgi kezde Gretskı bıznestiń bel ortasynda júr.
