Kóp páterli turǵyn úılerdi basqarýdyń jańa nysandaryna kóshý tártibi túsindirildi

Qazaqstan • 27 Qańtar, 2021

Kóppáterli turǵyn úılerdi basqarýdyń jańa nysandaryna kóshý tártibi túsindirildi

12 ret kórsetildi

27 qańtar kúni Ortalyq kommýnıkasııalar qyzmetiniń alańynda RMM alańynda «Kóppáterli turǵyn úılerdi basqarýdyń jańa nysandaryna kóshý tártibin túsindirý týraly» baspasóz konferensııasy ótti, dep habarlaıdy Egemen.kz.

Janbolat Kenjeǵul

Spıkerler retinde:

Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasy orynbasary E. A. Daýylbaev;
«Turǵyn úı-kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» AQ Basqarma tóraǵasynyń orynbasary N.N.Serikov;
«Turǵyn úı-kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» AQ О́ńirlik damý jáne ádisnama departamentiniń basshysy M. J. Ábdikárimov sóz sóıledi.

Esterińizge sala keteıik, 2020 jylǵy 7 qańtarda «QR keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» QR Zańy kúshine endi.

Atalǵan Zańdy iske asyrý maqsatynda Qazaqstan Respýblıkasy Úkimetiniń 2 qaýlysy jáne zańǵa táýeldi 16 normatıvtik quqyqtyq akt qabyldandy.

О́tken jylǵy jeltoqsanda basqarýdyń bir nysanynan ekinshisine aýysqan kezde tehnıkalyq jáne qarjylyq qujattardy tapsyrý tártibin reglamentteý maqsatynda kondomınıým obektisiniń ortaq múlkin kútip-ustaý qaǵıdalaryna ózgerister men tolyqtyrýlar engizildi.

Turǵyn úı-kommýnaldyq sharýashylyq máseleleri jónindegi zań kúshine engen kúnnen bastap 2021 jylǵy 11 qańtardaǵy jaǵdaı boıynsha respýblıka boıynsha shamamen 54 myń kóppáterli turǵyn úıdiń arasynda 1132 jańa basqarý nysany quryldy (olardyń ishinde: múlik ıeleriniń birlestikteri - 539, jaı seriktestikter – 593 birlik), olardyń basym bóligi Nur-Sultan jáne Almaty qalalarynda ornalasqan.

Basqarýdyń jańa nysandaryn qurý paıyzynyń tómendigi jınalystardy ótkizýge shekteý qoıatyn sanıtarlyq jáne karantındik sharalarmen baılanysty ekeni sózsiz, sondyqtan páterler men turǵyn emes úı-jaılardyń ıeleri jazbasha saýalnama júrgizýge májbúr boldy.

Qazaqstan Respýblıkasy Úkimetiniń qaýlysymen jáne Zańmen «TKSh QazOrtalyǵy» AQ turǵyn úı qatynastary jáne turǵyn úı-kommýnaldyq sharýashylyq salasyndaǵy operator bolyp belgilendi jáne jarǵylyq qyzmeti aıasynda aqparattyq-túsindirý jumysyn júrgizedi.

Qazirgi ýaqytta Qoǵamnyń zhkh.kz saıty ózektendirilip, ol jerde basqarýdyń jańa nysanyna kóshý boıynsha barlyq aqparattyq materıaldar ornalastyrylǵan.

Basqarýdyń jańa nysandaryn qurý boıynsha azamattardan kelip túsetin ótinishterdiń úlken aǵynyn eskere otyryp, Telegram bot platformasy iske qosyldy, sondaı-aq suraqtardy Suraqtar.kz.platformasyna da joldaýǵa bolady.

«Turǵyn úı qatynastary jáne turǵyn úı-kommýnaldyq sharýashylyq salasyndaǵy mamandardy daıarlaý, qaıta daıarlaý jáne biliktiligin arttyrý jónindegi is-sharalardy iske asyrý» baǵyty sheńberinde «TKSh QazOrtalyǵy» AQ men L. Gýmılev atyndaǵy Eýrazııa ulttyq ýnıversıteti arasynda kadrlardy daıarlaý týraly memorandým jasaldy.

«TKSh QazOrtalyǵy» AQ Biliktilikti arttyrý kýrstarynyń baǵdarlamasyn ázirlep (55 saǵat), ol Qazaqstan Respýblıkasy Indýstrııa jáne ınfraqurylymdyq damý mınıstrligimen bekitildi.

Jalpy sany 334 tyńdaýshy oqytyldy, onyń ishinde 73 tyńdaýshy Gýmılev atyndaǵy EUÝ bazasynda, 261-i basqa oqý ortalyqtarynda oqytyldy. 178 KPTÚ basqarýshysy sertıfıkattaý ortalyǵynda biliktilikterin rastady.

Aqparattyq-túsindirý jumystary túrli alańdarda, sonyń ishinde elimizdiń óńirlerinde de jalǵasatyn bolady.

Kóp páterli turǵyn úılerdi basqarýdyń jańa nysandaryn engizý turǵyn úı-kommýnaldyq sharýashylyq sýbektileriniń ózara qarym-qatynasyn retteýge, sondaı-aq turǵyndardyń jınalǵan qarajatyn paıdalanýdyń ashyqtyǵyn arttyrýǵa múmkindik beredi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz