Ekonomıka • 27 Qańtar, 2021

Otandyq tósek-oryn ónimderi AQSh pen Kanadaǵa eksporttaldy

13 ret kórsetildi

2020 jyly otandyq iri tósek-oryn óndirýshi "AGF Grýpp" AQSh pen Kanadaǵa eksporttyq jóneltýlerdi júzege asyrdy, dep habarlaıdy Egemen.kz Indýstrııa jáne ınfraqurylymdyq damý mınıstrligi Indýstrııalyq damý komıtetine silteme jasap.

"AGF Grýpp" О́K" JShS - tósek jabdyqtary men úı toqyma buıymdaryn tigý boıynsha Qazaqstandaǵy alǵashqy mamandandyrylǵan fabrıka. Kompanııa tigin óndirisi salasynda 2010 jyldan bastap jumys isteıdi. Kásiporyn arnaıy kıim, mektep formasy, kamýflıaj jıyntyqtary, tósek-oryn óndirisi salasynda úlken tájirıbe jınap, óz dástúrlerin quryp,  ózin senimdi jáne adal seriktes retinde kórsetti. 2015 jyly IKEA shved kompanııasymen tósek jabdyqtaryn jetkizý týraly kelisim jasalǵannan keıin óndiris mamandandyrylǵan boldy. Búginde ónimniń 95% eksportqa shyǵarylady.

Negizgi tigin ónimderi-tósek-oryn jabdyqtary, atap aıtqanda: tósek jaımalary, kórpe jamylǵylary, jastyqtar, sonymen qatar tósek-oryn jıyntyǵy. О́nim sapasynyń joǵary deńgeıine sapaly shıkizatty, zamanaýı tehnologııalardy, jańa jabdyqtardy paıdalaný, basqarýdyń avtomattandyrylǵan júıelerin engizý jáne bilikti mamandardyń jumysy esebinen qol jetkiziledi.

2016 jyly Eýropalyq Qaıta Qurý jáne Damý Bankiniń (EQDB) qoldaýymen SUAVE ® jáne ARUA ® jeke brendterin ázirleý boıynsha joba júzege asyryldy. Taýarlar 100% ekologııalyq taza maqtadan jasalǵan jáne Eýropalyq sapa standarttaryna sáıkes keledi. Fabrıkada tigin óndirisi úshin arnaıy ázirlengen kásiporyndy basqarýdyń avtomattandyrylǵan júıesi engizilgen. Kásiporyn zamanaýı zerthanalyq, tigin jáne pishý jabdyqtarymen tolyq jabdyqtalǵan. Jabdyqtar parki jyl saıyn jańartylyp otyrady. Sonymen qatar, zaýyt qyzmetkerleri arnaıy jabdyqtalǵan oqý ortalyǵynda mindetti oqýdan ótip, kásibı daǵdylaryn únemi jetildiredi.

2017 jyldan bastap kompanııa QR-da bólshek saýda baǵytyn damytyp keledi, Nur-Sultan, Shymkent, Almaty jáne t.b. qalalarynda fırmalyq jáne seriktestik dúkender bar. Budan bólek, 2020 jyly AQSh pen Kanadaǵa eksporttyq jóneltýler júzege asyryldy, Ispanııa men Fınlıandııadan tapsyrystar boıynsha jumys jalǵasýda.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar