Qalada qarasha aıynan beri 4300-den astam adamnyń vırýs juqtyrǵany anyqtalǵan. О́tken aptada indet juqtyrǵan naýqastardyń jartysy – qalanyń jumysshylary turatyn Iаý Sım Mong aýdanynyń turǵyndary bolǵan. Mamandar osy aımaqtaǵy aǵyndy sý synamasynan vırýs izderin anyqtaǵan eken. Bul – nashar salynǵan sý júıeleri men jekelegen bólimshelerde jeldetýdiń bolmaýynyń saldary.
2003 jyly Gonkongte SARS indeti kezinde Dúnıejúzilik densaýlyq saqtaý uıymynyń (DDSU) tehnıkalyq taldaýy vırýs sapasyz sý qubyrlary arqyly taraýy múmkin degen tujyrym jasaǵan. Qalanyń kedeı aýdandarynyń birinde vırýstyń órshýine osy sebep bolýy múmkin dep uıǵarǵan mamandar aýmaqtaǵy úılerdi tolyǵymen jaýyp tastady. Test nátıjesin almaıynsha, turǵyndar syrtqa shyǵa almaıdy.
Al pandemııanyń bastapqy kezinde Gonkong bıligi lokdaýn sekildi qatań qaýipsizdik sharalaryn engizýden bas tartqan-dy.
