Aýstralııa ózge damyǵan eldermen salystyrǵanda pandemııamen tıimdi kúres júrgizdi. Shekaranyń jabylýy, lokdaýn, jappaı testileý men áleýmettik qashyqtyqty saqtaý sharalary óz nátıjesin berdi. О́tken aptada 5 kún qatarynan indet juqtyrǵan naýqas tirkelmegen.
Jalpy bul elde osyǵan deıin koronavırýs juqtyrǵan 28 700 adam tirkelip, 909 kisi qaıtys bolǵan. Al vaksınalaý jospar boıynsha aqpanda bastalmaq.
Aýstralııa shekarasyn bıyl da tolyǵymen ashpaıtynyn málimdegen bolatyn. Osylaısha eldegi vırýspen kúres sharalaryn mamandar kóp elge úlgi bolarlyq dep baǵalap otyr. Bul, ásirese kári qurlyqtaǵy jaǵdaımen salystyrǵanda erteńge degen úmitti kúsheıte túsedi.
