Qazaqstan • 28 Qańtar, 2021

Qazaqstandyqtar 2020 jyly ne nárseni kóp satyp aldy?

11 ret kórsetildi

Koronavırýs «bılik qurǵan» 2020 jyly el turǵyndary bólshek saýda núktelerinde 11,6 trln teńgege saýda jasaǵan. Bul 2019 jylmen salystyrǵanda 2,6 paıyzǵa joǵary kórsetkish. Shynaıy mándegi bólshek saýda kóleminde 4,1 paıyzǵa quldyraý baıqalǵan, dep habarlaıdy Egemen.kz

Bólshek saýdanyń 60 paıyzy saýda jasaıtyn kásiporyndar men uıymdarǵa tıesili. Atalǵan oryndarda 6,9 trln teńge jumsalǵan. Bir jyl ishinde 4,9 paıyzǵa ósim bolǵan. Bul týraly finprom.kz habarlap otyr.

Jeke kásipkerlermen jasalǵan, onyń ishinde bazarlarda jasalǵan saýdanyń úlesi 4,7 trln teńgeni quraıdy. Iаǵnı, 2019 jyldyń qańtar-jeltoqsanymen salystyrǵanda 0,7 paıyzǵa az. Osy segmenttiń saýdadaǵy úlesi jyl saıyn qysqara kele, byltyr 40,2 paıyzdy quraǵan. О́ńirlik bólinis boıynsha 17 aımaqtyń tek altaýynda ǵana shynaıy saýda ósimi baıqalǵan.

Bólshek saýda kórsetkishi boıynsha birinshi orynda Almaty qalasy (3,4 trln teńge) bolsa, ekinshi orynda Nur-Sultan (1,3 trln teńge), al úzdik úshtikti 1 trln teńgege saýda jasaǵan Shyǵys Qazaqstan oblysy men Qaraǵandy oblysy túıindeıdi. О́zge óńirlerde saýda kólemi 170,5 mlrd pen 708,3 mlrd teńge aralyǵynda.

Bólshek saýda qurylymynda eń kóp saýdalanǵan ónim – azyq-túliktik emes taýarlar eken. Olardyń kólemi 7,1 trln teńgege jetken. Degenmen osynyń ózi 2019 jylmen salystyrǵanda 5,1 paıyzǵa tómen. Kerisinshe, azyq-túlik taýarlarynyń úlesi bir jyl ishinde 17,9 paıyzǵa artyp, 4,4 trln teńgeni quraǵan. 2020 jyly ásirese, sáýir aıynda bólshek saýda deńgeıi biraz quldyrap ketken. Mundaı tómen kórsetkish qatań lokdaýnǵa baılanysty birqatar saýda oryndarynyń jumys istemeýimen tikeleı baılanysty.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar