«2020 jyly qaramaǵyndaǵy qyzmetkerlerdiń sybaılas jemqorlyq áreketteri úshin 6 saıası qyzmetshi otstavkaǵa jiberilip, 9 saıası qyzmetker, sondaı-aq ákimshilik memlekettik qyzmet laýazymyndaǵy 39 basshy jáne kvazımemlekettik sektordyń 5 top-menedjeri tártiptik jaýapkershilikke tartyldy.
Otstavkaǵa ketkender týraly jańalyqtar qoǵam men BAQ-tyń jiti nazarynda ekenin erekshe atap ótkim keledi. Barlyǵy basshy bolýǵa umtylady, biraq kez-kelgeni qaramaǵyndaǵy qyzmetkeri úshin jaýapkershilik alýǵa daıyn emes. Otstavkaǵa ketý týraly jaı ótinish berý jáne is júzinde otstavkaǵa ketý – eki túrli áreket. Jıi beriletin eskertýler men sógister azamattardyń tek ashýyn týǵyzady. Sondyqtan, zańmen qosa moraldik-etıkalyq qaǵıdattardy da basshylyqqa alatyn ýaqyt keldi.
Osy turǵyda biz keńesip, Agenttik qyzmetkeri sybaılas jemqorlyq quqyq buzýshylyqqa jol berse onyń tikeleı basshysyn atqaratyn laýazymynan birden bosatý týraly sheshim qabyldadyq. Tek basshylar sybaılas jemqorlyq faktisin óz betinshe anyqtap, jolyn kesken jaǵdaılarda ǵana qoldanylmaıdy», - dedi ol.
