Memleket qurlyqta tek Ispanııamen ǵana shektesedi. Endi eki el arasyndaǵy shekara aldaǵy eki apta jabyq bolady. Sonymen qatar el azamattaryna shetelge shyǵýǵa tyıym salyndy. Bul ereje de 14 kúnge engiziledi.
Aıta ketken jón, Portýgalııada epıdemıologııalyq ahýal órship tur. Keıingi táýlikte munda koronavırýstan 303 adam kóz jumdy. Bul epıdemııa bastalǵaly tirkelgen eń úlken kórsetkish. Munda Rojdestvoǵa oraı shekteý sharalary jeńildetilgen. Bılik sonyń saldarynan derekter sany artyp ketti deıdi. Ahýaldyń órshýiniń taǵy bir sebebi – vırýstyń mýtasııaǵa ushyraýy. Ásirese el astanasy Lıssabondaǵy jaǵdaı kúrdeli. Munda brıtandyq shtamm tez tarap barady. Sonyń saldarynan qazir medısına qyzmetkerleri tapshy. Osy rette Germanııa taraby áskerı dárigerlerdi jiberetinin aıtty. Odan bólek, jergilikti bılik zeınetke shyqqan aq halattylardy jumysqa tartý máselesin de qarastyryp jatyr.
