«Tájirıbe kórsetkendeı, satyp alý salasy kóleńkeli ekonomıkany jandandyratyn jáne jemqorlyq týdyratyn salalardyń biri. Sondyqtan Ulttyq palatamen birlesken jumystyń taǵy bir baǵyty bıýdjetti qalyptastyrý kezinde de, ony ıgerý kezinde de baǵa komplaensin engizý. Jasyratyny joq, kóbinese bıýdjetke salynatyn baǵalar jemqorlyq múddeleri úshin ádeıi qymbattatylady. Osyǵan oraı biz naqty baǵalar men iske asyrylǵan sharttar negizinde qandaı da bir satyp alýdyń bıýdjetin qalyptastyrýdy usynamyz. Bul satyp alynatyn taýarlardyń, jumystar men qyzmetterdiń bıýdjetin «ulǵaıtýǵa» múmkindik bermeıdi. Osylaısha, úlestes kompanııalardyń baǵa usynystary negizinde bıýdjettik josparlaý artta qalady», dedi A. Shpekbaev.
Onyń aıtýynsha, oryndalǵan jumystardyń jalǵan aktilerine qol qoıý problemasyn sheshý úshin olardy egjeı-tegjeıli jarııalaý, sondaı-aq tapsyrys berýshilerdiń ony mysaly 3 kúnnen aspaıtyn merzimde qaraýyn engizý usynylady. Bul bir ǵana maqsatty kózdeıtin aktilerge qol qoıýdy qasaqana keıinge qaldyrý múmkindigin edáýir qysqartady.
«Sıfrlyq teńgeni tez arada engizý – satyp alýdaǵy jemqorlyq problemasynyń irgeli sheshimi, bul bıýdjet qarajatyn ıgerýdiń búkil prosesin qadaǵalaýǵa múmkindik beredi, «qolma-qol aqsha» shemalaryn jáne jalǵan kásiporyndar qurýdy toqtatady», dedi A. Shpekbaev.
