Jyl basynan beri Almaty qalasynda 671 órt oqıǵasy tirkelse, zardap shekken adamdardyń sany 26 paıyzǵa azaıyp, 31 adamdy qurady. О́rtten 38 adam qutqarylyp, 235 adam qaýipti aımaqtan shyǵaryldy, 1 mln teńgeden astam somanyń múlki qutqaryldy.
Jeke sektorda 402 órt oqıǵasy tirkeldi, bul jyl basynan beri tirkelgen órttiń jalpy sanynyń 60 paıyzyn quraıdy.
Jeke turǵyn úı sektorynda órttiń negizgi shyǵý sebepteri:
- otqa uqypsyz qaraýdan –96 órt oqıǵasy oryn aldy, nemese bul jeke sektorda bolǵan órttiń jalpy sanynyń 24 paıyzyn quraıdy;
- peshterdi paıdalaný kezinde órt qaýipsizdigi erejeleriniń buzylýynan bolǵan órtterdiń sany – 81 nemese 20 paıyz;
- elektr quraldaryn montajdaý nemese paıdalaný erejeleriniń buzylýy saldarynan bolǵan órttiń sany – 80 nemese 19 paıyz.
- turmystyq elektr qurylǵylaryn paıdalaný saldarynan- 64;
- ádeıi órteý -65;
- otpen jumys jasaý óndirisinde- 12, balalardyń tentektiginen -2, órttiń basqa da sebepterimen – 6.
Jeke turǵyn úı sektorynda oryn alǵan órtten (11) órtten adamdardyń qaza bolý sebepterin naqtylaý kezinde anyqtalǵany: 7 órt oqıǵasynda qaıtys bolǵandar alkogoldi ishimdikter ishken (tósekte temeki shekken), qalǵandary elektr symdarynyń aqaýlyǵynan, onyń ishinde, túngi ýaqytta qaraýsyz qaldyrylǵan elektr sháınekteri men maı shamdardan tutanǵan órtten bolǵan. Sondaı-aq adamdardyń ólimine ákelip soqtyrǵan barlyq órtter túngi jáne tańerteńgi mezgilderde, ıaǵnı qyraǵylyq azaıyp, adamdardyń úıde qalyń uıqyda bolatyn ýaqyttarda bolǵan. Sonymen qatar, turǵyndar órt qaýipsizdigi erejelerin durys saqtamaıdy, elektr qondyrǵylarynyń erejelerin óreskel buzyp, aqaýy bar, jaramsyz elektr jabdyqtaryn paıdalanady.
Sonymen birge, 2020-2021 jyldardaǵy jylytý maýsymynda órtterdi boldyrmaý, adamdardyń jaraqattanýyn azaıtý maqsatynda, Almaty qalasy Tótenshe jaǵdaılar departamentimen tótenshe jaǵdaılardyń aldyn alý boıynsha keshendi is-sharalar júrgizilýde:
Az qamtylǵan jáne qozǵalysy shekteýli otbasylardyń 100-den astam úıinde Tótenshe jaǵdaılar departamentiniń qyzmetkerleri eriktilermen birlesip elektr jelilerin, jylý júıelerin, pesh qurylymdaryndaǵy jaryqtardy jóndeýge, ákteý, pesh murjalaryn kúıeden tazartý jáne basqa jumystarǵa kómek kórsetti.
О́rtterdiń 60 paıyzy jeke turǵyn úı sektorynda oryn alatynyn eskere otyryp, ótken jyldyń tamyz aıynan bastap turǵyndarǵa aýqymdy úgit-nasıhat túsindirý jumystaryn júrgizý bastaldy. Barlyǵy 145 471 jeke turǵyn úı esepke alyndy, qatty otyn paıdalanatyn 1848 úı tolyqtaı tekserýden ótkizildi, onyń ishinde 605 áleýmettik az qamtylǵan otbasylardyń úıi qaıta tekserilip (2 ret), órt qaýipsizdigi týraly 300 myńnan astam eskertpeler taratyldy. Áleýmettik jaǵdaılary osal toptaǵy otbasylar men alkogoldik ishimdikter ishýge beıim adamdardyń turǵylyqty jerlerinde KVI oshaqtaryn eskere otyryp, 271 reıd júrgizildi.
Ákimdiktiń qoldaýymen áleýmettik az qamtylǵan otbasylardyń kómirmen jylytylatyn 1254 jeke turǵyn úıleri, qatty otyn paıdalanatyn basqa da jeke úıler kómirtegi totyǵy datchıkterimen (2018-2020 jyldary úılerge ornatylǵan datchıkterdi qosa alǵanda) jabdyqtalǵan.
Júrgizilgen profılaktıkalyq jumystardyń nátıjesinde qatty otyn peshteri bar úılerde órt shyqpaı, adamdardyń kómirtegi gazynan ýlanýyp qaıtys bolýyna jol berilmedi, al jaraqat alǵandardyń sany 22 paıyzǵa tómendep, 31 adamdy qurady. 2019 jyly bul san - 40 bolǵan.
Almaty qalasy TJD 2020-2021 jylǵy jylytý maýsymynda órt oqıǵalaryn jáne adamdardyń jaraqat alýyn boldyrmaý úshin tómendegi negizgi erejelerdi saqtaý qajettigin eskertedi:
- gaz quraldaryn qoldanýda qaýipsizdik sharalaryn saqtaý;
- jylytý peshteri men gaz aspaptarynyń janynda jıhaz jáne basqa da janǵysh zattardy ornalastyrmaý, sondaı-aq kıim men otyndy keptirmeý;
- aqaýly elektr rozetkalaryn, elektr ajyratqyshtardy jáne elektr aspaptaryn paıdalanýǵa bolmaıdy;
- elektrplıtalary men útikter, elektrsháınekteri men kerosın quıylǵan ydystardy otqa tózimdi oryntaqqa ornatyńyz;
- jylý berý kezeńinde, jylytý peshteriniń murjalaryn, kúıe qubyrlaryn tazartyńyz;
- ot jaǵatyn peshtiń aldyndaǵy edenge ólshemi keminde 50h70 santımetr bolatyn qatty temir tósenish bekitý.
