Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń 2021 jylǵy 28 qańtardaǵy sheshimine sáıkes, Reseımen turaqty jolaýshylar reısterin ár taraptan aptasyna 1 reısten 3 reıske deıin, sondaı-aq Túrkııamen túrik tarapy úshin Antalıa - Almaty baǵyty boıynsha aptasyna 1 reıske ulǵaıtýǵa ruqsat berildi.
"Qazaqstan men Reseı arasyndaǵy turaqty reıster ulǵaıtylǵannan keıin, reseılik taraptyń kelisimin eskere otyryp, áýe qatynasy ár taraptan Nur-Sultan - Máskeý (aptasyna 2 reıs) jáne Almaty - Máskeý (aptasyna 1 reıs) baǵyttary boıynsha aptasyna 3 reısten oryndalady.
Reıster sanıtarlyq-epıdemıologııalyq normalardy qatań saqtaı otyryp jáne áýe kompanııalardyń saıttarynda jarııalanǵan kestege sáıkes oryndalady", - delingen habarlamada.
