Oblystyq polısııa departamenti baspasóz qyzmetiniń aqparatyna qaraǵanda, jyl basynan beri 160-ǵa jýyq júrgizýshiniń 9 mln teńge aıyppulyn tólemegeni belgili boldy. Júrgizeshilerdiń bári shetelden ákelingen kólikterdi «tizgindepti». Onyń ishinde bir kólik Ázerbaıjanda, beseýi Qyrǵyzstanda tirkelipti. Sondaı-aq 19 avtokólik Armenııada, qalǵany Reseıde esepke alynypty.
«Máselen, 28 qańtarda Atyraý qalalyq polısııa basqarmasy Jedel basqarý ortalyǵynyń qyzmetkerleri tólenbegen aıyppuly bar Reseı, Armenııa, Qyrǵyzstan elderinen ákelingen 12 avtokólikti anyqtady. Eki kóliktiń júrgizýshisi 36 254 teńgelik aıyppuldy toqtatylǵan sátte tóledi. Al, ıeleriniń tólemegen aıyppuly 395 870 teńgege jetken 10 avtokólik arnaıy turaqqa jetkizildi», dep málim etti departamenttiń baspasóz qyzmetinen.
