Energyprom.kz deregi boıynsha, 2020 jyldyń jeltoqsan aıynda fıltrli temeki bir jyl burynǵy ýaqytpen salystyrǵanda 14,9 paıyzǵa qymbattaǵan. Ásirese , Atyraý (bir jylda 20,9 paıyz), Jambyl (20,3 paıyz), Almaty oblystarynda (19,6 paıyz) qatty qymbattaý baıqalǵan. Bir aıda baǵa 0,7 paıyzǵa qymbattaǵan. Bazarlar men azyq-túlik dúkenderindegi bir qorap temeki baǵasy 508 teńgege jetken.
2020 jyldyń 11 aıynyń qorytyndysy boıynsha jergilikti kompanııalar temeki men papıros suranysyn 75,2 paıyzǵa qamtamasyz etken. Import 7 ese, ıaǵnı, 5 mlrd danaǵa deıin tómendese, eksport úlesi 13,4 paıyzdy quraǵan. Ishki naryqtaǵy temekini tutyný kólemi de birshama azaıypty. 2020 jyldyń qańtar-qarashasy aralyǵynda árbir qazaqstandyq orta eseppen 1,5 myń dana temeki nemese papıros tartqan.
