Aımaqtar • 01 Aqpan, 2021

Atyraýda oblys ákiminiń orynbasary vaksına saldyrdy

915 ret kórsetildi

Atyraýda oblys ákiminiń orynbasary Baqytgúl Hamenova alǵashqylardyń qatarynda koronavırýsqa qarsy vaksına saldyrdy, dep habarlaıdy Egemen.kz

Oblystyq densaýlyq saqtaý basqarmasy baspasóz qyzmetiniń aqparatyna súıensek, buǵan deıin «Spýtnık V» vaksınasynyń 1000 dozasy jetkizipti. Vaksına saldyrý úshin bastapqy medısınalyq-sanıtarlyq kómek kórsetetin 24 mekemede arnaıy oryndar jasaqtalypty. Onyń ishinde 15-i memlekettik, qalǵandary – jekemenshik medısınalyq mekemeler. Vaksına salatyn 16 pýnkt qalada ornalassa, Maqat aýdanynda 2, basqa aýdandarda bir pýnkten ashylǵan.

Búgin Atyraý qalasyndaǵy №3 emhanada «Spýtnık V» vaksınasyn oblys ákiminiń orynbasary Baqytgúl Hamenova, oblystyq densaýlyq saqtaý basqarmasynyń basshysy Ashan Baıdýálıev, oblystyq sanıtarııalyq-epıdemııalyq baqylaý departamentiniń basshysy Mádenıet Tanaýov, oblystyq onkologııalyq dıspanserdiń dırektory Elmıra Saparova, oblystyq aýrýhana dırektory Erbol Imanǵalıev saldyrdy.

«Dárigerler vaksına almas buryn dene qyzýymdy ólshedi. Ekpe salý kabınetinen shyqqannan keıin dárigerdiń baqylaýynda boldym. Qazir jaǵdaıym qalypty. Endi 21 kúnnen keıin vaksınanyń ekinshi bóligin alamyn», dedi oblys ákiminiń orynbasary Baqytgúl Hamenova.

 

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar