Qoǵam • 01 Aqpan, 2021

Túrkistan oblysynda 950 myń turǵynǵa vaksına egý josparlanýda

128 ret kórsetildi

Túrkistan oblysy ákiminiń orynbasary Arman Sábıtov, oblystyq qoǵamdyq densaýlyq basqarmasynyń basshysy Marat Pashımov jáne óńirdiń bas memlekettik sanıtar dárigeri Nurbek Nyshanov alǵashqylardyń qatarynda vaksına saldyrdy, dep habarlaıdy Egemen.kz

Túrkistan qalalyq ortalyq emhanasynda vaksına salmas buryn olar dáriger tekserýinen ótti. Aldymen synama jasaldy. Dál osyndaı synamalar barlyq pasıentterge de jasalatyn bolady. Aǵzasy keri reaksııa bergender vaksınasııalaýǵa jiberilmeıdi. Qoǵamdyq densaýlyq basqarmasynyń basshysy Marat Pashımovtyń aıtýynsha, jyl sońyna deıin oblystyń 950 myń turǵynyna koronavırýsqa qarsy vaksına egý josparlanýda. Vaksına kámelet jasyna tolǵan azamattarǵa erikti túrde salynady jáne ekpeden buryn dárigerdiń tekserýinen mindetti túrde ótkiziledi. Vaksına aldymen medısına mamandaryna – juqpaly aýrýlarǵa qarsy medısınalyq uıymdardyń, jansaqtaý, qabyldaý bólimderiniń jáne sanıtarlyq epıdemııa mekemeleriniń qyzmetkerlerine salynady.

Sońǵy jańalyqtar

Uqsas jańalyqtar