Málimetterge sáıkes qonaqúı shatqaldan 4 shaqyrym jerde boı kóteredi. Qazir munda ınjenerlik-geologııalyq izdeý jumystary júrip jatqan syńaıly. О́ńir ákimdigi bul aqparatty rastady, al ınvestorlar qurylys tehnıkasy erekshe qorǵalatyn aýmaqqa múlde jaqyndamaıdy dep sendirip otyr.
Eske sala keteıik, Ekologııa mınıstri týrızmdi damytý men Bozjyra sııaqty ýnıkaldy tabıǵı nysannyń ekojúıesin saqtaýdyń arasynda tepe-teńdik bolý kerektigin aıtqan-dy.
Oǵan qosa buǵan deıin mańǵystaýlyq belsendiler tabıǵı qoryqta qonaqúıdiń salynýyna qarsylyq bildirgen edi. Osydan keıin Memleket basshysy Qasym-Jomart Toqaev Úkimetke jobany qaıta qaraýdy tapsyrǵan. Alaıda kópshiliktiń narazylyǵyna qaramastan, bılik qoryqqa qonaqúı aýadaı qajet degen ustanymnan taımaı otyr.
