Aımaqtar • 05 Aqpan, 2021

Jumysshy – suranysy joǵary mamandyq

7 ret kórsetildi

Jalpy, mamandyq tańdaýdyń ózi ári qıyn, ári qyzyq másele. Mektepte oqyp júrgen árbir balanyń bir salaǵa degen qyzyǵýshylyǵy bolady. Biraq óse kele oǵan aınalasyndaǵy jaǵdaılar da áser etpeı qoımaıdy.

Máselen, búginde aldyńǵy aǵa býynnyń kópshiligi jastardy kinálaı sóıleıdi. Báriniń birden ákim, prokýror sııaqty laýazymdy orynǵa barǵysy keledi degenin de jıi estımiz. Biraq búgin ǵana qolyna dıplom alǵan jasty eshkim de jaıly orynǵa jaıǵastyra salmasy anyq. Alaıda mamandyq tańdaý ár adamnyń óz erki. Qo­ǵamda kóp rette jastardyń ju­mysshy mamandyqtaryna jıi bara bermeıtini aıtylady. Elimiz búgingideı kásipkerlikke qoldaý kórsetip otyrǵanda, bir jaǵynan jumysshy mamandyǵynda oqy­ǵan jastyń keıinnen kásip ashyp, istiń kózin tabýyna da múm­kindigi bar. Ári bala kúninen sharýashylyqqa beıim jastyń óse kele jumysshy mamandyǵyn da tańdaıtyny sózsiz.

Memleket basshysy Qasym-Jomart Toqaev «Jańa jaǵ­daıdaǵy Qazaqstan: is-qımyl kezeńi» atty Joldaýynda «О́nim­dilikti kóbeıtý, ekonomıkanyń aýqymdylyǵyn jáne tehno­lo­gııalyq sıpatyn arttyrý» kerektigin aıtqan bolatyn. Mu­nyń bári de jumysshy maman­dyǵyna baılanysty. Bul rette memleket tarapynan da atalǵan mamandyq ıelerin daıarlaýǵa jiti kóńil bólinýde. Máselen, Jambyl oblystyq bilim bas­qarmasyna qarasty №9 Merki kolledji búginde 7 mamandyq, 11 biliktilik boıynsha jumysshy mamandar daıarlap keledi. Atal­ǵan mekeme 1953 jyly №102 Aýyl sharýashylyǵyn me­­ha­nızasııalaý ýchılıshesi bolyp ashylǵan. Sodan beri túr­li qıyn-qystaý kezeńdi bas­tan keshirgen oqý ornynda qa­zirgi kezde «Tamaqtandyrýdy uıym­dastyrý», «Elektr gazymen dánekerleýshi», «Esepteý teh­nıkasy jáne baǵdarlamalyq qamtamasyz etý», «Ferma sharýa­shylyǵy», «Tokarlyq is jáne me­tall óńdeý» jáne ózge de maman­dyqtar boıynsha 601 jas bilim alýda. «Kolledjde jalpy shtattyq keste boıynsha 125 qyz­metker jumys atqarady. Olar­dyń ishindegi 92 qyzmetker oqy­týshylar men óndiristik oqytý sheberleri. Pedagog kadrlardyń 49-y joǵary bilimdi mamandar», deıdi atalǵan kolledj dırektory Ǵalymjan Mamyrbaev.

Álemdik tájirıbege saı, bú­ginde kásiptik bilim berýdi damytý, bilim berýdi dúnıejúzilik standarttarǵa sáıkestendirý óte mańyzdy másele bolyp otyr. Sol sııaqty, ınnovasııalyq ekonomıkany qalyptastyrý da úlken mindettiń biri. Atalǵan maqsatta №9 Merki kolledjine «Jas maman» jobasy aıasynda 313 144 200 teńge bólinip, oǵan qajetti bar­lyq zattar alynǵan. Onyń ishinde 2 traktor, dánekerleý apparaty, kombaın, KamAZ jáne ózge de jumysshy mamandyǵyna kerekti tehnıkalar bar. Bul kúnde atal­ǵan kolledj túlekteriniń aldy óz kásibin ashyp, aýdan ekono­mıkasynyń damýyna úles qosyp keledi.

«Worldskills Zhambyl – 2018» baıqaýynda «Aspazdyq isi» quzyrettiligi boıynsha júl­deger atanǵan Ádilet Amanjol qazirgi kezde aýdanda «Doner» jeke kásipkerligin ashyp, túrli taǵam túrlerin satýmen aına­lysady eken. Sol sııaqty, «Worldskills Zhambyl – 2018» baı­qaýynda «Avtokólikti jón­deý, paıdalaný jáne qyzmet kór­setý quzyrettiligi» boıynsha júlde alǵan Oljas Márkim de Merki aýdanynda avtomobıl jóndeý ortalyǵyn ashyp, kásibin dóńgeletip otyr. Sondaı-aq ár kezeńde túrli baıqaýlarǵa qa­tysyp, júldeger atanyp, je­tistikke jetip júrgen jastar barshylyq.

Qazirgi kezde №9 Merki kol­ledjin­de jańa alynǵan shet­el­dik jáne otandyq tehnıkalar aýyl sharýashylyǵy salasynyń qarqyndy damýy maqsatynda paıdalanylýda.

«Al sapaly qural-jabdyqtar stýdentterdiń tehnıkalyq jáne kásiptik mamandyqtarǵa degen qyzyǵýshylyǵyn arttyrýda. Orta býyn jumysshy mamandaryn sapaly básekege qabiletti etip daıyndaý maqsatynda «Dı­zeldi qozǵaltqyshtardy jón­deý jáne qyzmet kórsetý», «Je­ńil avtokólikti jóndeý jáne qyz­met kórsetý», «Dánekerleý teh­nologııalary» quzyrettilik ortalyqtary ashyldy. Sonymen qatar kolledjde mamandyqty oqytýǵa arnalǵan 14 oqý kabıneti, 5 sheberhana, 4 zerthana bar. О́ndiristik oqý sheberhanalary men oqý kabınetteri zaman talabyna saı jabdyqtaldy», deıdi Ǵ.Mamyrbaev.

Sonymen qatar Merki aýda­nynyń ákimi Meıirhan О́mirbekov kolledjge 200 gektar jer berip, qoldaý kórsetip otyr eken. Mun­daǵy maqsat – jastardy jumys­shy mamandyǵyna baýlý, tehnıkalarmen sol jerge egin egip, ónim alý bolyp otyr. Bir sózben aıtqanda, jastardy oqytýdan bólek, bárin tájirıbe júzinde kórsetý. Al tehnıkalyq jáne kásiptik bilim berý boıynsha maman daıyndaý sapasyn arttyrý da negizgi máseleniń biri. Bul rette kolledj Túrkııa memleketinde, Chehııa Respýblıkasynyń Praga qalasynda jáne Malaızııa elinde ornalasqan birqatar tehnıkalyq jáne kásiptik oqý oryndarymen tájirıbe almasýda.

 

Jambyl oblysy,

Merki aýdany

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar