Kóshelerdi, aýlalardy tazalaý jumysyna 10 myńnan asa turǵyn atsalysty.
Senbilikke 100-den asa arnaıy tehnıka jumyldyryldy. Barlyǵy 150 tekshe metr qoqys qala syrtyna shyǵaryldy. Sonymen birge ırrıgasııalyq aryqtar da tazalandy.
Senbilikke qala ákiminiń birinshi orynbasary Shyńǵys Muqan da qatysty.
- Bul osy jyldyń alǵashqy senbiligi. Qar ketken soń astynda qalǵan qoqystardy tazartyp jatyrmyz. Naýryz aıynan bastap senbilik apta saıyn uıymdastyrylatyn bolady jáne oǵan barlyq uıymdardyń kúshi tartylady. Sondyqtan qala turǵyndaryn da ózi turatyn kópqabatty turǵyn úı bolsa aýlasyn, úıleriniń mańyn tazalaýǵa shaqyramyn. Qala turǵyndaryn shaharymyzdyń tazalyǵy saqtaýǵa birlese atsalyssa deımin, - dedi Shyńǵys Muqan.
Tazalyq sharasyna qatysýshylar jol boıyndaǵy jasyl aımaqtardy, saıabaqtar men demalys oryndaryn, aryq-atyzdar jáne jaıaý júrginshiler joldaryn qoqystardan tazartty.
