Sıfrlyq damý, ınnovasııa jáne aeroǵarysh ónerkásibi mınıstri Baǵdat Mýsın mınıstr retinde jastar jobalarynyń qoldaý tabýyna kómekteskim keledi deıdi.
– Kóptegen adamdarǵa meniń ózim startaper bolǵanym týraly belgili. Árıne, men startaptarǵa qanshalyqty qoldaý qajet ekenin bilemin. О́z jobalarymdy damyta bastaǵan kezde, bizde venchýrlyq naryq múldem damymaǵan edi. Qazir kóptegen startaptar aqshalaı qoldaý kórsete alatyn seriktes tabýǵa tyrysýda, biraq bizde perishte ınvestısııasynyń ne ekenin túsinetinder az. Qazir mınıstr laýazymy tarapynda osy baǵytqa yqpal ete alamyn jáne shetelge shyǵa alatyn keremet jobany jasaı alatyndardyń damýyna kómektese alamyn. Bizdiń mınıstrlik bul baǵytty iske asyrýda, – dedi mınıstr Feısbýktegi jazbasynda.
Bıyldan bastap granttardy bólý boıynsha barlyq eski erejeler men qatysýshylarǵa arnalǵan erejelerdi qaıta qarastyrylǵan.
– Eger buryn grantty iri kompanııalar jeńip alsa, búginde ereje boıynsha bizde ınnovasııalyq tehnologııa men kommersııalyq áleýeti bar ónimdi jasaıtyn ShOB kompanııalarynyń qatysýyna ruqsat etiledi. Al eger buryn grant tek 50 paıyzdy ǵana jaba alatyn bolsa, qazir jobany kommersııalyq iske qosý shyǵystarynyń 90 paıyzyn jaba alady, eger somamen aıtsaq, bir grant 150 mln teńgege deıin ala alady, – dedi Mýsın.
Mınıstrdiń aıtýynsha, bul birinshi kezeń. Ekinshi kezeń – teledıdar nemese Youtube-shoý formatynda aýqymdy kólemde uıymdastyrylýy múmkin.
Osyǵan deıin prezıdent Qasym-Jomart Toqaev ta aldaǵy bes jylda sıfrly tehnologııa men jasandy ıntellekti damytý úshin 1 mlrd dollardan astam qarjy tartý kerektigin aıtty.
