Qoıylymnyń qoıýshy-rejısseri – Aman Ǵumarov.
«Ǵashyq-júrek» spektakli avtordyń oı-armanynan, jan saraıynan, ishki tanymy men tolǵanysynan týǵan óleń-jyrlary men ánderine qurylǵan sahnalyq qoıylym.
«Sonymen birge, Otan-Ana men Tabıǵat-Ananyń bolmys-bitimin arqaý etken, mahabbat, ǵashyqtyq pen dostyq, jaqsylyq pen jalǵandyq sekildi san qyrly taqyryptardy sýretkerlikpen jyrlaı bilgen tulǵanyń ómir haqyndaǵy oı-tolǵamy ispettes.
Poetıkalyq-mýzykalyq qoıylym jyrǵa ińkár kórermendi rýhanııat álemimen tildestirip, olardyń júregindegi adamı qundylyqtardy baıytyp, oqylatyn óleńderdegi taqyryptar men oryndalatyn ánderdegi oqıǵalardy jas kórermenniń kókiregine toqyp, sanasyna sińiredi.
Qazaq poezııasynyń uly tulǵalarynyń biri Muqaǵalı Maqataevtyń shyǵarmashylyǵyna degen qushtarlyǵyn kúsheıtip, súıispenshilik sezimin jandandyrady»,-delingen habarlamada.
Atalmysh qoıylymda Muqaǵalı Maqataevtyń beınesin teatr akteri Qazbek Esqara, al aqıyq aqynnyń dosy Shámildiń beınesin teatr akterleri Ernazar Jańatilek jáne Asqar Jumabekov somdaıdy. Sondaı-aq, spektaklge teatrymyzdyń barlyq artısteri qatysady.
Bastalýy: 9, 10, 11 aqpan, 19:00
Uzaqtyǵy: 1 saǵat, 10 mınýt,
О́tetin orny: Nur-Sultan qalasy, Mýzykalyq jas kórermen teatrynyń ǵımaraty, J. Omarov kóshesi, 47B.
