Munyń saldarynan fermerler sýbsıdııa tóleýdiń merzimin ótkizip alýy múmkin. Bul týraly Aqparattyq-esepteý ortalyǵynyń baspasóz qyzmeti habarlady. «Aqparattyq-esepteý ortalyǵy» AQ Qoldau.kz platformasynyń ázirleýshisi jáne ıesi bolǵandyqtan Aýyl sharýashylyǵy mınıstrligine sýbsıdııa alýǵa ótinimder qabyldaý merzimin keıinge qaldyrý týraly usynyspen hat joldaǵan. Oǵan sebep, aýyl sharýashylyǵy janýarlaryn birizdendirý (AJB) júıesi memlekettik derekter bazasymen birikpegen soń, tıesili qarajat ósimdik sharýashylyǵymen aınalysatyndar arasynda bólinýine alyp kelýi múmkin. Sáıkesinshe, mal ósirýshilerdiń memlekettik qoldaýsyz qalý qaýpi bar», delingen taratylǵan aqparatta.
Biriktirilgen júıeniń qarastyrylmaýy birqatar qyzmettiń toqtap qalýyna ákeldi. Atap aıtqanda, mal satyp alýǵa baılanysty nesıelik paıyzdyq mólsherlemeni jáne mal sharýashylyǵy salasyndaǵy ınvestısııalyq jobalardy sýbsıdııalaý, sondaı-aq buryn sýbsıdııalanǵan nysandarǵa, ıaǵnı malǵa monıtorıng júrgizý qyzmeti qoljetimsiz. Integrasııalyq júıeniń bolmaýy jaıylymdy jerlerdi paıdalanýǵa baılanysty baqylaýdy toqtatyp, bul aıtarlyqtaı qıyndyqtar týdyrdy. О́ıtkeni naqty málimetsiz tórt túlikti onlaın-qyzmeti arqyly saqtandyrý múmkin emes.
«Internet jelisinde jańa AJB málimetter bazasy ashylyp, ıntegrasııaǵa ótinim berý kerek degen aqparat berildi. О́tinishter jiberildi. Biraq másele biriktirýge arnalǵan «qysqartylǵan nusqalardyń» ornalastyrylýynda jatyr. Qarapaıym sózben aıtqanda, bizge janýarlarǵa arnalǵan 26 ólshem qajet, al bizge tek 14-in ǵana usyndy. Bul óz kezeginde qyzmetterdiń jumys isteýine jetkiliksiz», dedi «Aqparattyq-esepteý ortalyǵy» AQ bas mamany Azamat Qurmanov.
Ortalyq ókilderi derekter bazasynyń tolyq nusqasy qashan shyǵatyny jáne biriktirý úderisiniń naqty ýaqyty belgisiz ekenin jetkizdi. Aýyl sharýashylyǵy mınıstrligi tek jýyrda portaldyń qajettilikterin qanaǵattandyratyn jańa qyzmet shyǵarylatynyn habarlasa kerek.
Zańǵa sáıkes, sýbsıdııa alýǵa qatysty ótinimderdi qabyldaý 1 aqpannan bastalýy kerek edi. Bul rette atalǵan ortalyq Aýyl sharýashylyǵy mınıstrliginiń tıisti bazasymen birikkenge deıin memlekettik qoldaý sharalaryna teń qoljetimdilikti qamtamasyz etý maqsatynda sýbsıdııalaý úderisin toqtata turýdy usynyp otyr. Tıisti usynys oblystyq ákimdikter men Aýyl sharýashylyǵy mınıstrligine joldandy.
