Ekonomıka • 09 Aqpan, 2021

«Eksporttyq akselerasııa» qarqyn aldy

50 ret kórsetildi

Saýda jáne ıntegrasııa mınıstrliginiń málimetine sáıkes bıyl 10 saýda ekonomıkalyq mıssııa men 2 halyqaralyq kórme (Shanhaı (QHR), Expo Dubai (BAÁ) ótedi dep josparlanýda. Onyń qorytyndysyna sáıkes 100 mln AQSh dollary kóleminde 80 eksporttyq kelisimshartqa qol qoıylady.

Atalǵan vedomstvo habarlaǵandaı, «Eksporttyq akselerasııa» baǵdarlamasy arqyly 130 jańa eksporttaýshy syrtqy naryqqa shyǵady. Sonymen qosa Alibaba halyqaralyq elektrondy platformasynda 50 eksporttaýshynyń ónimderi usynylady. Al KazakhExport arqyly 24,1 mlrd teńge somasyna saýda-eksporttyq qarjylandyrý jáne 5 mlrd teńgege eksport aldyndaǵy qarjylandyrý usynylyp, sol sekildi eksporttaýshylardy saqtandyrý tetikterimen qamtý úshin 200 mlrd teńgege jýyq qarajat jumsaý qarastyrylyp otyr.

Saýda jáne ıntegrasııa vıse-mınıstri Qaırat Tórebaevtyń aıtýynsha, otandyq eksporttaýshylardy qosylǵan quny joǵary taýarlar óndirisine daǵdylandyrý maqsatynda qosylǵan quny joǵary jáne jergilikti qamtý úlesi bar taýarlardyń shyǵyndaryn 80%-ǵa deıin óteýdi kózdeıtin túzetýler paketi qabyldandy. Shıkizattyq emes ónimniń eksportyn arttyrýǵa baılanysty salalyq organ bıznes pen tıisti vedomstvolardy jumyldyryp, syrtqy saýdada áleýetti taýarlar men qyzmetterdiń eksportyn jedeldetetin jobany iske qosty. Júrgizilgen taldaý 2025 jylǵa qaraı taýarlar men qyzmetterdiń qosymsha 16 pozısııasy boıynsha 17,3 mlrd dollar kiris tabýǵa múmkindik beretinin kórsetip otyr.

Ekinshiden, jaýapty vedomstvonyń aldyna qoıylǵan mindetterdiń biri – jańa «О́nerkásiptik saıasat týraly» zańda qarastyrylatyn otandyq óńdelgen taýarlar men kórsetiletin qyzmetterdi tutynatyn sheteldik satyp alýshylardy saýda qarjylyq mólsherlemesimen sýbsıdııalaý. Budan basqa mınıstrliktiń bastamasymen «Qazaqstan Respýblıkasynyń eksporttyq-kredıttik agenttigi týraly» zań jobasy daıyndalmaq. Bul óz kezeginde Qarjy naryǵyn retteý jáne damytý agenttiginiń baqylaýynan shyǵýǵa múmkindik beredi.

Úshinshiden, eksportqa baǵdarlanǵan kásiporyndarǵa memlekettik qoldaý sharalaryn shoǵyrlandyrý esebinen eksporttyq portaldyń qyzmetin keńeıtip, biryńǵaı sıfrly tereze – Digital Export-ti qurý josparlanýda. Dese de www.export.gov.kz biryńǵaı eksporttyq portal bazasynda memlekettik qoldaý tetikterin sıfrlandyrýdy damytý jumystary jalǵasyp jatyr. Qazir osy portal arqyly taýar óndirýshiler «Eksporttyq akselerasııa» baǵdarlamasyna qatysýǵa, shyǵyndardyń bir bóligin óteýge, sondaı-aq ózekti eksporttyq saraptama alýǵa ótinimder bere alady.

Elimizde tótenshe jaǵdaı engizilgennen bastap Saýda mınıstrliginiń bazasynda eksporttaýshylardy qoldaý baǵytynda daǵdarysqa qarsy ortalyq iske qosylyp, onda syrtqy naryqtarǵa taýarlardy shyǵarýǵa baılanysty týyndaıtyn problemalardy jedel sheshýge arnalǵan telegramm arnanyń qyzmeti qolǵa alyndy. Búginde shamamen eksporttaýshylardyń 700 saýal-ótinishteri óńdeldi.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar