О́sý qarqynyn tómendetpeý úshin pandemııa kezeńinde jeke bıznes sýbektilerin qoldaý maqsatynda daǵdarysqa qarsy sharalar ázirlendi. Atap aıtqanda «Bıznestiń jol kartasy – 2025» kásipkerlikti qoldaý men damytýdyń memlekettik baǵdarlamasynyń sharttaryna ózgerister engizilgen.
Qala ákimi Murat Áıtenovtiń tóraǵalymen ótken májiliste kásipkerlikti damytý jáne qoldaý jónindegi memlekettik baǵdarlamalardyń oryndalýy men ondaǵy ózgerister barysy talqylandy. Jıynǵa úshinshi megapolıs kásipkerleri men ekinshi deńgeıli bank basshylary da qatysty.
Kún tártibine sáıkes qalalyq kásipkerlik jáne ındýstrıaldy-ınnovasııalyq damý basqarmasy basshysy Bereke Dúısebekov baıandama jasady.
Basqarma basshysynyń aıtýynsha, jańa sharttar - kásipkerler úshin nesıe mólsherlemesin 6%-ǵa deıin tómendetýge, sýbsıdııalaýǵa jatatyn nesıe kólemin 7 mlrd teńgege deıin arttyrýǵa múmkindik bergen. Sonymen birge, baǵdarlamanyń birinshi baǵyty - kásipkerlerge (mıkro jáne shaǵyn bıznes) syıaqy mólsherlemesiniń bir bóligin portfeldik sýbsıdııalaý jáne kredıtter men mıkrokredıtter boıynsha ishinara kepildik berý túrinde qarjylyq qoldaý sharalaryn kórsetý bolyp ózgertilgen.
Shymkent qalasynyń ákimi atqarylǵan jumystarǵa baǵa berip, kásipkerlerdiń negizgi máselelerin tyńdady.
«Qala bıýdjetiniń kiris bóligin ulǵaıtýdyń negizgi joly – jappaı kásipkerlikti damytý. Bul jańa jumys oryndaryn ashýdy, salyq túsimderin ulǵaıtýdy jáne qoǵamdyq, saıası ahýaldyń turaqtylyǵyn qamtamasyz etedi. Memleket basshysynyń tapsyrmasyna sáıkes, aldaǵy 5 jyldyqta Shymkent qalasynda shaǵyn jáne orta kásipkerliktiń jalpy ishki óńirlik ónimdegi úlesin 50%-ǵa jetkizýimiz kerek. Sol sebepti, kásipkerliktiń kez kelgen ózekti problemalyq máselelerin sheshý jáne onyń aldyn alý tikeleı ózimniń baqylaýymda bolady. Barlyq damyǵan memleketter sııaqty shaǵyn jáne orta bıznesti qala ekonomıkasynyń lokomotıvine aınaldyrýymyz qajet», dep sózin túıindedi.
Kezdesý sońynda Murat Áıtenov memlekettik baǵdarlamalardy júzege asyrýda belsendilik tanytqan birqatar bank basshylary men «Damý» kásipkerlikti damytý qory» AQ Shymkent qalasy fılıalynyń tóraǵasyn marapattady.
