Ankara 10 jyldyq joba aıasynda óz mamandaryn ǵaryshqa ushyryp, básekege qabiletti jerserikterin jasaýdy josparlap otyr. Jalpy Túrkııa óziniń ǵarysh agenttigin osydan 3 jyl buryn qurǵan.
«Biz baǵdarlamanyń birinshi kezeńinde ózimizdiń gıbrıdtik zymyranymyzben aıǵa qonamyz. Al 2028 jyly jobanyń ekinshi kezeńinde jer orbıtasyna shyǵý úshin ózimiz jasap shyǵarǵan zymyrandy qoldanýdy josparlap otyrmyz», dedi Rejep Taıyp Erdoǵan.
Aıta ketý kerek, Erdoǵannyń sózinshe, ǵarysh apparaty Aıǵa eldiń júz jyldyǵyna oraı qonady. Sondaı-aq Túrkııa ǵarysh aılaǵyn salýdy josparlap otyr. Sońǵy 18 jylda Túrkııa spýtnıktermen, ǵaryshpen, ushyrý júıelerimen jáne ǵarysh jabdyqtarymen baılanysty 56 jobaǵa 2,1 mıllıard lır (125 mıllıard teńge) bólgen.
