Qurmanǵazy aýdanynyń ákimi Qaırat Nurtaevtyń málimetinshe, byltyrǵy balyq aýlaý maýsymynda 350 tonna balyq Eýrostandart talabyna sáıkes óńdelipti. Aýdanda balyq sharýashylyǵymen aınalysatyn qurylymdar 3361 tonna balyq ónimin Reseı Federasııasyna, Grýzııa men Ýkraınaǵa eksportqa jiberipti.
«Osy kezge deıin aýlanǵan balyqtardyń basym bóligi shet elderge muzdatylǵan, salqyndatylǵan, muzdatylǵan, keptirilgen kúıinde óńdelip, Eýrostandartqa saı jiberiletin edi. «Kaspıı-Balyq» óndiristik kooperatıvi balyq ónimin óńdeý, toǵan sharýashylyǵyn damytý úshin Reseı Federasııasynan ınvestor tartty. О́ndiristik kooperatıv ınvestormen birlesip, Birlik aýylynan balyq óndeý sehyn ashty. Jobanyń quny – 200 mln teńge. Sehta táýligine 30 tonna balyq óndeledi. Oǵan 50 adam turaqty jumysqa tartylyp otyr» dedi Qaırat Nurtaev.
