Premer-Mınıstrdiń orynbasary Eraly Toǵjanov tóraǵalyq ótken Respýblıkalyq komıssııa «Ál-Farabı atyndaǵy Qazaq ulttyq ýnıversıteti» kommersııalyq emes aksıonerlik qoǵamynyń Dırektorlar keńesi usynǵan kandıdattarmen áńgimelesý ótkizip, «Ál-Farabı atyndaǵy Qazaq ulttyq ýnıversıteti» kommersııalyq emes aksıonerlik qoǵamynyń Basqarma tóraǵasy – rektory laýazymyna Janseıit Túımebaevty tańdady.
Túımebaev Janseıit Qanseıituly 1958 jyly Ońtústik Qazaqstan oblysynda dúnıege kelgen.
1980 j. – S.M. Kırov atyndaǵy Qazaq memlekettik ýnıversıtetin «Fılolog» mamandyǵy boıynsha bitirgen.
2000 j. – Máskeý memlekettik áleýmettik ýnıversıtetiniń zan fakýltetin bitirgen, fılologııa ǵylymynyń kandıdaty.
1980-1993 jj – Qazaq memlekettik ýnıversıtetinde oqytýshy, dosent.
1993-1994 jj. – Qazaqstan Respýblıkasy Syrtqy ister mınıstrliginiń birinshi hatshysy, bólim bastyǵy.
1994-1997 jj. – Qazaqstan Respýblıkasynyń Túrkııadaǵy elshiliginiń ekinshi, birinshi hatshysy.
1997-1999 jj. – Qazaqstan Respýblıkasy Prezıdenti protokol qyzmetiniń bas sarapshysy, Qazaqstan Respýblıkasynyń Ystanbul qalasyndaǵy Bas konsýly.
1999-2004 jj. – QR Prezıdenti protokolynyń jetekshisi.
2004-2006 jj. – Qazaqstan Respýblıkasy Prezıdenti protokolynyń jetekshisi - Qazaqstan Respýblıkasy Prezıdentiniń keńesshisi.
2006-2007 jj. – QR Reseı Federasııasyndaǵy tótenshe jáne ókiletti elshisi.
2007-2010 jj. – Qazaqstan Respýblıkasynyń Bilim jáne ǵylym mınıstri.
2010 jyldan – Qazaqstannyń Túrkııadaǵy tótenshe jáne ókiletti elshisi.
2016 jylǵy 6 qazannan 2018 jyldyń maýsymyna deıin Ońtústik Qazaqstan oblysynyń ákimi.
2018 jyldyń 20 maýsymynan – 2019 jyldyń 28 aqpanyna deıin – Túrkistan oblysynyń ákimi.
2019 jyldyń 28 aqpanynan – Qazaqstan halqy Assambleıasy Tóraǵasynyń orynbasary, Qazaqstan Prezıdenti Ákimshiliginiń QHA hatshylyǵynyń basshysy. Memlekettik nagardalary: «Qurmet» jáne «Parasat» ordenderi, medaldar ıesi.
