«Qoǵamdyq tamaqtaný obektilerine saǵat 07:00-den 24:00-ge deıin (ujymdyq is-sharalar ótkizbeı, 50-den aspaıtyn otyratyn oryn ornatyp, 50%-ǵa deıin toltyrylýymen, ústelder arasyndaǵy qashyqtyq keminde 2 metr saqtalýyn qamtamasyz etip), fýdkorttar tek jetkizý qaǵıdasy boıynsha shtattyq rejımde jumys kestesin belgileı otyryp, jumys jasaýǵa ruqsat etiledi» delingen qaýlyda.
Sondaı-aq kúsheıtilgen sanıtarııalyq-dezınfeksııalyq rejımdi saqtaı otyryp, azyq-túlik jáne azyq-túlik emes bazarlardyń jumys kestesi saǵat 09:00-den 20:00-ge deıin belgilendi. Biraq jeksenbide jumys isteýine tyıym salyndy.
Al saýda úıleri men ortalyqtary (pavılondar, býtıkter), saýda jelileri saǵat 09:00-den 22:00-ge deıin (toltyrylýy obekt syıymdylyǵynyń 30%-nan asyrmaı, 1 kelýshige 4 sharshy metrden kem emes), olardyń ishindegi azyq-túlik sýpermarketteri men dárihanalardy qospaǵanda jumys isteýine ruqsat etildi.
