11 Aqpan, 2021

Jazasyn óteýshiler M.Maqataevtyń 90 jyldyǵyn atap ótti

16 ret kórsetildi

Mańǵystaý oblysy boıynsha QAJ departamentiniń GM-172/10 mekemesinde jazasyn óteýshiler arasynda lırık - aqyn Muqaǵalı Súleımenuly Maqataevtyń 90 jyl mereıtoıyna oraı merekelik is-shara ótkizildi.

Konserttik baǵdarlamanyń ashylýyn GM-172/10 mekemesi bastyǵynyń mindetin atqarýshy ádilet podpolkovnıgi Azat Qaldybaıuly Orynbasarov quttyqtaý sózimen bastady. Konserttik is-shara barlyq sanıtarlyq talaptardy qatań saqtaý otyryp ótkizildi.

Sonymen qatar Muqaǵalı Maqataevtyń ómirbaıany jaıly qysqasha beınerolık kórsetildi. Odan ári merekelik is-sharaǵa arnaıy shaqyrtylǵan Mańǵystaý oblystyq Murat О́skinbaev atyndaǵy fılarmonııa ártisteri Aınur Omarova men Ázimhan Adaı Muqaǵalı Maqataevtyń «Áke», «Ana», «Otan», «Sábı bolǵym keledi», «Seniń kóziń», «Taǵdyr» atty óleńderin dombyrada oryndaýymen jalǵasty. Konserttik baǵdarlamada aqynnyń ómir joly men shyǵarmashylyǵy týraly aıtylyp, is-sharaǵa sottalǵandar belsene qatysyp aqynnyń «Týǵan kún», «Mahabbat» atty poemalary oqyldy.

-Atalǵan is-sharanyń maqsaty jazasyn óteýshilerdiń ómir jaıly oı-tolǵamdaryn, shyǵarmashylyqqa degen kóz qarastaryn oıatý boldy. Sottalǵandardyń ómir súrý ortasy qoǵamnan  alshaq bolǵanmen rýhanı úndestigi, mádenı baılanysy ulttyq qundylyqtardan ajyramaıdy, deıdi GM-172/10 mekemesi qyzmetkeri ádilet aǵa leıtenant Sáken Jarylkapbaev.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar