Prezıdent • 12 Aqpan, 2021

Prezıdent paramen ustalǵan sýdıaǵa qatysty pikir bildirdi

964 ret kórsetildi

Qazaqstan Prezıdenti Qasym-Jomart Toqaev sybaılas jemqorlyqty sot júıesine degen senimge selkeý túsirip otyrǵan negizgi faktorlardyń biri dep sanaıdy, dep habarlaıdy Egemen.kz

Tek sońǵy 5 jyldyń ishinde sybaılas jemqorlyq faktisi úshin Femıdanyń 17 ókili jaýapqa tartylǵan. Túrkistan oblysynda sottalǵan alqa tóraǵasy men oblystyq sottyń sýdıasyna qatysty jemqorlyq derekteri qoǵamda úlken shý týǵyzdy.

«Osydan birer kún buryn masqara jaǵdaı boldy. Joǵary sot keńesiniń burynǵy múshesi, sondaı-aq, aýdandyq sottyń tóraǵasy bolǵan, 30 jyldyq eńbek ótili bar Joǵarǵy sottyń sýdıasy ustaldy. Bul oqys oqıǵa jurttyń bárine belgili. Atalǵan jaǵdaı qoǵamdy teńseltip ketti. Joǵary sot keńesiniń jáne Joǵarǵy sottyń basshylyqtary osy oqıǵadan sabaq alyp, qajetti sheshim shyǵarýy kerek dep oılaımyn. Osy kezeń ishinde Sot qazylary alqasynyń sheshimimen 29 sýdıa teris is-áreketteri úshin qyzmetterinen bosatylǵan. Jalpy sýdıalardyń qataryn tazalaý jumystary belsendi júrgizilip jatqany baıqalady. Bul úderisti múlde toqtatýǵa bolmaıdy. Biz sýdıalarǵa degen qalyptasqan teris kózqarasty ózgertýimiz kerek. Femıdanyń barlyq qyzmetkeri zańdylyqtyń, satylmaıtyndyqtyń, kásibıliktiń ústem qurýyna qyzmet etýi tıis. Sonda ǵana biz quqyqtyq memleket jáne ádiletti qoǵam qura alamyz», dedi Qasym-Jomart Toqaev.

Osyǵan baılanysty búgin Memleket basshysy sot júıesin jańǵyrtý máseleleri jóninde keńes ótkizdi. 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar