Tehnologııa • 13 Aqpan, 2021

Shyǵys Qazaqstanda «Police 102» mobıldi qosymshasy iske qosyldy

31 ret kórsetildi

Endi Shyǵys Qazaqstan oblysynyń turǵyndary quqyq buzýshylyq týraly ózderiniń aryzdary men habarlamalaryn qasqaǵym sátte smartfon arqyly joldaı alady, dep habarlaıdy Egemen.kz

Oblys departamentiniń bólimshelerinde azamattardyń ótinishterin qabylaýǵa arnalǵan 40 jumys orny ázirlendi. Atalǵan baǵdarlamany ornatý óte ońaı. Android júıesindegi smartfondar úshin «Play Market», al IOS júıesindegi smartfondar úshin «App Store» qosymshasy arqyly júkteledi.

Ekrannyń jumys panelinde «102» belgisi paıda bolady. Paıdalanýshy óz atymen tirkelip, óziniń jeke basyn qoljetimdi tásilder (elektrondyq poshta, telefon nómiri ) arqyly rastaıdy.
Operatormen qosylý barysynda avtomatty túrde geolaksııa qosylady jáne ótinish berýshiniń derekteri shyǵady, bul ýaqytty barynsha únemdeıdi.

«Police 102» mobıldi qosymshasy arqyly habarlama, oqıǵa ornynda túsirilgen fotosýretter men beıne túsirilimderdi jibere alady.

Sondaı-aq beıne, aýdıo qońyraý shalý múmkindigi bar. Atalǵan qosymshany paıdalaný halyqtyń qaýipsizdigin jáne senimin arttyrady. ShQO polısııa qyzmetkerleri ótinishter men aryzdardy onlaın rejımde qabyldaýǵa tolyqtaı daıyn.

Bastapqyda qanatqaqty joba retinde iske qosylǵan ýaqytta 7 ótinish kelip túsken. Onyń basym bóligi jol júrý erejesiniń saqtalmaýyna baılanysty.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar