- Jyl basynda sizdermen kezdesip, eldegi ahýal jaıly pikirlesip, júzdesýdi jón kórdim. Biz qashanda qarttarymyzdy ulyqtap, qurmetimizdi tanytyp kelemiz. Oblysta, aýdandarda, aýyldyq okrýgterde «Ardagerler keńesi» jumysy jolǵa qoıylǵan. Zeınetke shyqsańyzdar da, qoǵamdyq jumysqa belsendi aralasyp, jastarǵa úlgi bolyp kelesizder. Aldaǵy ýaqytta aımaqtaǵy mańyzdy sharalardy ózderińizben birge aqyldasa otyryp júzege asyratyn bolamyz, - dedi Gúlshara Ábdiqalyqova.
Jıynda Baıqońyr kesheniniń jumysy men Baıqońyr qalasy, Tóretam kenti jáne Aqaı aýylynyń áleýmettik-ekonomıkalyq damýy, densaýlyq, turǵyn úı kommýnaldyq, jol jáne áleýmettik máseleler sóz boldy.
Sońǵy otyz jylda alǵash ret Baıqońyr qalasynyń bas josparyna sáıkes 50 páterli 5 turǵyn úıdiń qurylysy salynyp, qoldanysqa berildi. Bıyl taǵy bes kóp páterli turǵyn úıdiń qurylysy bastalady dep josparlanýda.
Qalada barlyq kóp páterli turǵyn úıler men keıbir shaǵyn jáne orta bıznes nysandary gazdandyrylyp, tabıǵı gazdy tóleý tarıfi oblys boıynsha biryńǵaı tarıfpen teńestirildi. Buǵan qosa, sýmen jabdyqtaý jáne sý burý júıelerin jańǵyrtý jumystary júrgiziletin bolady.
Sonymen qatar, Aqaı aýylynda dene shynyqtyrý-saýyqtyrý kesheniniń, Tóretam kentinde sýmen qamtamasyz etý júıesiniń qurylystary júrgiziledi.
Al 2020 jyly Jumyspen qamtý jol kartasy aıasynda Baıqońyr qalasynda, Tóretam jáne Aqaı eldi mekenderinde elektr jelilerin rekonstrýksııalaý, kóshelerdi jóndeý jáne jaryqtandyrý, bilim berý mekemelerin aǵymdaǵy jóndeý jobalary júzege asyryldy.
Kezdesýde Baıqońyr qalasy ardagerler keńesiniń tóraǵasy Tabynbaı Almaqanov pen Aqaı aýyly ardagerler keńesiniń tóraǵasy Jaqsylyq Qypshaqbaıuly kóterilgen máselelerge qatysty pikir bildirip, oblys ákimine kórsetilgen qurmet úshin rızashylyǵyn jetkizdi.
Aıta keteıik, Qyzylorda qalasyna kelgen 12 ardager «Rýhanı jańǵyrý» jáne oblystyq jastar resýrstyq ortalyqtaryna baryp, jumysymen tanysty. Sondaı-aq, oblystyq ólketaný murajaıynyń jumysyn kórdi.
Búginde oblys boıynsha 75 myńnan asa zeınetker bolsa, onyń 5 myńnan astamy Baıqońyr qalasy, Tóretam kenti men Aqaı aýylynda turady.
